• Sun. Jul 21st, 2024

मौद्रिक नीतिको समीक्षापछि सेयर बजार उत्साहित

Bysaptahiksamachar

३ फाल्गुन २०७७, सोमबार २०:४७ ३ फाल्गुन २०७७, सोमबार २०:४७ ३ फाल्गुन २०७७, सोमबार २०:४७ ,

३ फागुन, काठमाडौं । नेपाल राष्ट्र बैंकले चालु आर्थिक वर्षका लागि ल्याएकाे मौद्रिक नीतिकाे अर्धवार्षिक समीक्षा गरेको भाेलिपल्ट साेमबार सेयर बजार परिसूचक नेप्से बढेको छ ।

लघुवित्त समूहकाे सब इन्डेक्स धेरै बढ्दा सेयर बजारमा उत्साह देखिएको छ । मौद्रिक नीतिले सेयर धिताे कर्जामा कडाइ गर्ने चर्चा चलेको थियाे तर सेयर धिताे कर्जाकाे विद्यमान व्यवस्था यथावत राखेको छ ।  यसले पनि बजारलाई सकारात्मक असर परेकाे हाे ।

साेमबार सेयर काराेबार मापक नेप्से परिसूचक ९२.४२ अंकले उकालाे लागेर २ हजार ५ सय ८६ दशमलव ०१ अंकमा पुगेको छ । काराेबार रकममा उत्साह नै देखिएको छ । दिनभर २ कराेड २४ लाख भन्दा धेरै कित्ता सेयर किनबेच हुँदा १० अर्ब ३८ कराेड ४१ लाख रुपैयाँ माथि काराेबार पुगेको छ ।

सबैभन्दा धेरै कमाउने कम्पनीहरुमा पनि लघुवित्त वित्तीय संस्थाकै लगानीकर्ताहरु देखिएका छन् । सबै समूहका सबइन्डेक्सहरु बढेर हरियाली छाएका छन् । नेप्सेमा सूचीकृत २१५ कम्पनी मध्ये ६ कम्पनीको मात्रै सेयर मूल्य घटेको छ ।

Leave a Reply

Your email address will not be published. Required fields are marked *