• Sat. Feb 24th, 2024

मोरङको पूर्वी नाकादेखि ट्रकमै खुलेआम चिनी तस्करी

Bysaptahiksamachar

२१ चैत्र २०७७, शनिबार १३:०५ २१ चैत्र २०७७, शनिबार १३:०५ २१ चैत्र २०७७, शनिबार १३:०५

खुल्ला सीमाको फाइदा उठाउँदै मोरङको पूर्वी नाकाहरूदेखि ट्रकमै खाद्यवस्तु भारतदेखि अवैध रूपमा तस्करी भएर आउने गरेको पाइएको छ । 

मोरङको रंगेली नगरपालिकाको धनापट्टी, रतुवाइ नगरपालिको सिक्टी, आमतोला, धनपालथान गाउँपालिका दक्षिण क्षेत्रको मायागन्ज र खैरबना नाकादेखि खाद्यवस्तु खुल्लेआम तस्करी हुने गरेको पाइएको हो ।

सशस्त्र प्रहरीको बोर्डर आउट पोस्ट (बिओपी) रंगेलीको टोलीले शुक्रबार ठूलो परिमाणमा तस्करीको चिनीसहित ट्रक पक्राउ गरेपछि यस्तो रहस्य बाहिर आएको छ । बिओपी रंगेलीका सशस्त्र प्रहरीका इन्सिपेक्टर कमल अधिकारीको कमाण्डमा खटिएको टोलीले रंगेली ५ धनापट्टी टोलदेखि भारतदेखि तस्करी गरी ल्याएको चिनी र खाद्यवस्तु बरामद गरेको हो । 

को १ ख ४४०० नम्बरको मिनी ट्रकमा लोड गरी ल्याएको एक दर्जन बोरा चिनी, ६४ बोरा धान, २–२ बोरा चामल र गुहँ बिलबिजक नभएको सशस्त्र प्रहरीले बरामद गरेको सशस्त्र प्रहरी बल मोरङले जनाएको छ । 

तस्करीमा लागेका गिरोहले अवैध रूपमा भारतदेखि तस्करी गरी ल्याएको चिनी र खाद्यवस्तु धनापट्टीमा ल्याएर राखेका थिए । त्यसपछि मोरङको उत्तरी क्षेत्रको राजमार्ग साइटको बजारमा तस्करीको चिनी र खाद्यवस्तु लैजान लागेको अवस्थामा प्रहरीले उक्त सामान नियन्त्रणमा लिएको बुझिएको छ । तस्करीको चिनी बजार पठाउन गिरोहले निक्कै चलाखी गरेको पाइएको छ । 

‘ट्रकको माथिबाट धानको भुस राखेका थिए, त्यसको मुनी तस्करीको चिनी र खाद्यवस्तु राखेको भेटियो,’ घटनास्थलमा पुगेका एक प्रहरी अधिकृतले भने । सशस्त्र प्रहरीले बरामद गरेको चिनी, खाद्यवस्तु र ट्रक आवश्यक कारवाहीको लागि भन्सार कार्यालय बुझाएको छ ।

रंगेलीको चोपडा नाकादेखि यसअघि पनि सशस्त्र प्रहरीले एक ट्याक्टर भारततर्फ तस्करी हुन लागेको हरियो मटर बरामद गरेको थियो । प्रहरीले बरामद गरेको मटर चोपडाका व्यापारी राजेश साहको रहेको थियो । साहको सीमा नाका काटा रहेको छ । 

रतुवामाइ नगरपालिकाको सिक्टी र धनपालथान गाउँपालिकाको मायागन्ज र खैरवनादेखि पनि अहिले लाखौंको सामान खुल्लेआम तस्करी हुने गरेको छ । यस नाकादेखि खाद्यबस्तु र धान तस्करी गरि ल्याउने गरेको बुझिएको छ । नेपालदेखि सो नाकादेखि चौपाया तस्करी भएर भारततीर जाने गरेको छ । नेपाल भारत सीमा नाका खैरवनामा जयप्रकास साह र शम्भू साहको काटा रहेको छ । 

मोरङको अन्तिम नाका रतुवामाइ नगरपालिको दक्षिणी सीमा क्षेत्र सिक्टीदेखि पनि कपडा, खाद्यवस्तु र चिनी खुल्लेआम तस्करी हुने गरेको छ । आमतोला बजारमा घर भएका क्यारिङ्ग गर्ने व्यापारीको समूहले सिक्टीदेखि राति र बिहानीको समयमा भारतदेखि तस्करी गरी खाद्यवस्तु, चिनी र कपडा ल्याउने गरेको स्थानीयको भनाइ छ । 

‘बिहान २ देखि ३ बजे र रातिको ११ देखि १२ बजेकोे समयमा तस्करीमा लागेका क्यारिङ्ग गर्नेले भरियालाई निश्चित रकम दिए एउटा मोटसाइकल र आटोमा  उनीहरूले तस्करीको सामान आमतोला बजारमा भण्डारण गरी राख्दछन्,’ एक जना स्थानीयले भने, ‘त्यसपछि दिउँसो बिल बनाएर मोरङको उत्तरी क्षेत्रको सहरमा रहेको व्यापारीको पसलमा पु¥याउने गरेका छन् ।’ 

मोरङको उत्तरी क्षेत्र उर्लाबारी, मधुमल्ला, पथरीदेखि झापाका दमकसम्मका होलसेल पसलमा कपडा र खाद्यवस्तु निश्चित रकम लिएर क्यारिङ्ग गर्नेले पु¥याइदिने गरेका छन् । आमतोलामा रमेश गौतमलगायतका समूहले क्यारिङ्ग गर्दछन् । 

साभार : blastkhabar

Leave a Reply

Your email address will not be published. Required fields are marked *