नेपाली राष्ट्रिय फुटबल टोलीका कप्तान तथा गोलरक्षक किरण चेम्जोङ सम्मिलित राउण्ड ग्लास पञ्जावले भारतीय लिगमा बराबरी गर्दै अंक बाँडेको छ।
बुधबार विवेकानन्द युवा भारती कृरंगन मैदानमा भएको खेलमा पञ्जाव र मोहम्मेदन दुवै टोलीले ३–३ को बराबरी गर्दै अंक बाँडे।
खेलको पहिलो हाफमा पञ्जावले १–० को अग्रता बनाए पनि दोस्रो हाफमा सम्हालिन नसक्दा अंक बाँड्न बाध्य भयो। पञ्जावका चेन्चो ग्याल्सेनले खेलको ३४औँ मिनेटमा गोल गर्दै टोलीलाई सुरुवाती अग्रता दिलाएका थिए।
खेलको ४६औँ मिनेटमा व्यक्तिगत र टोलीका लागि दोस्रो गोल गरे। चेन्चो हिरो अफ दि म्याच बने। उनले लिगमा ६ गोल गरेका छन्।
खेलको पाँचौँ मिनेटमा फैसल अलीले गोल गर्दै खेलालाई २–१ को स्थितिमा ल्याए।
६४औँ मिनेटमा पेड्रो जेभिएर एमले गोल गर्दै खेललाई बराबरीमा पुर्याए। त्यसको एक मिनेटमा नै अजहरुद्दिन मल्लिकले गोल गर्दै टोलीलाई ३–२ को अवस्थामा पुर्याए।
खेलको ८८औं मिनेटमा आशिष झा ले गोल गर्दै खेललाई पुनः बराबरीमा पुर्याए।
त्यसपछि दुबै टोलीबाट थप गोल हुन नसकेपछि दुबै टोलीले अंक बाँडेका हुन्। बराबरीसँगै पञ्जाव तेस्रो स्थानमा यथावत छ।
nepalkhabar.com