नेत्रविक्रम चन्द ‘विप्लव’ नेतृत्वको नेकपाका केन्द्रीय नेता धर्मेन्द्र बाँस्तोला शुक्रबार काभ्रेबाट रिहा भएका छन् । रिहा भएलगत्तै उनी पार्टी महासचिव विप्लवलाई भेट्न पुगेका छन् ।
आज बिहान मात्रै विप्लव काठमाडौं आइपुगेका थिए । उनी सामाखुसीमा बसेका छन् । बाँस्तोला विप्लव समूहको पश्चिम कमान्ड तथा विदेश विभाग प्रमुख हुन् । दुई सातादेखि उनी धुलिखेलस्थित प्रहरी हिरासतमा थिए ।
सरकार र विप्लव समूहबीच हिजो तीनबुँदे सहमति भएको थियो । सहमतिपछि आज प्रधानमन्त्री केपी शर्मा ओली र विप्लव काठमाडौंमा हुने एक कार्यक्रम एउटै मञ्चमा देखिँदै छन् ।
साभार:बाह्रखरी