‘एयरलाइन्सको टिकटबाट उठेको पैसा ल्याइएको हो। यो कम्पनीको पैसा हो,’ उहाँले अनुसन्धान अधिकृतसँग बताएको स्रोतले बताएको छ ।
य. यअनुसन्धान अधिकृतले टिकटबाट उठेको रकम बैंकिङ च्यानलबाट नपठाएर नगद नै किन ल्याइयो ? कम्पनीको पैसा भए चाउचाउको कार्टुनमा किन आयो ? लगायतका प्रश्न गरेका थिए।
यो प्रश्नको उत्तर चित्त बुझ्दो नआएको पनि स्रोत बताउँछ। त्यसपछि भने बुबा/आमालाई लिएर १५ दिनका लागि भारत जान लागेको जानकारी दिँदै पोख्रेलले त्यसपछि फेरि आउने प्रतिबद्धता जनाउनु भएको थियो । कम्पनीले धरौटी राखिसकेकालेे विभागलेे त्यही आधारमा अनुसन्धान अघि बढाउन भएको छ।
प्रहरीले गत शनिबार त्रिभुवन अन्तर्राष्ट्रिय विमानस्थलको आन्तरिक टर्मिनलबाट एयरलाइन्सकी कर्मचारी विराटनगर-४ की ३३ वर्षीया रेशा शाक्य पोखरेललाई ५० लाख रुपैयाँसहित पक्राउ गरेको थियो।
पक्राउपछि थप अनुसन्धानका लागि राजस्व अनुसन्धान विभागको जिम्मा प्रहरीले लगाएको थियो। विभागले शाक्यसहित तीनजना कर्मचारी नियन्त्रणमा लिएपछि दीपकले सौर्य एयरलाइन्सकै लेटरप्याडमा ५० लाख रुपैयाँ आफ्नो भएको जिकिर गर्दै कर्मचारीलाई रिहा गरिदिन अनुरोध गर्नुभएको थियो । बिजमाण्डूबाट साभार