• Sun. Jul 21st, 2024

वर्कसपका लागि बाजुरा पुगे स्वस्तिमा र दीपेन्द्र

Bysaptahiksamachar

२६ माघ २०७७, सोमबार ००:२० २६ माघ २०७७, सोमबार ००:२० २६ माघ २०७७, सोमबार ००:२०
निर्देशक दीपेन्द्र के. खनाल र अभिनेत्री स्वस्तिमा खड्का जुन फिल्ममा आबद्ध हुन्छन्, त्यसमा आफ्नो तर्फबाट शतप्रतिशत दिन कुनै कसर छाड्दैनन् । जुन कुरा स्वस्तिमाले ‘बुलबुल’ बाट र दीपेन्द्रले ‘पशुपति प्रसाद र आमा’ बाट प्रमाणित गरिसकेका छन् । पहिलो पटक फिल्म ‘लभ लभ लभ’ मा सहकार्य गरेका उनीहरु अब दोस्रो पटक फिल्म ‘चिसो मान्छे’ मा सँँगै काम गर्दैछन् ।
 
शर्मिला पाण्डेले निर्माण गर्ने फिल्मको सम्पूर्ण छायांकन सुदूरपश्चिमाञ्चल बाजुरामा हुनेछ । लकडाउनमा मलेशियाबाट आएको लास काठमाडौंबाट बाजुरासम्म पुर्‍याउँदाको कथा वाचन गर्ने फिल्ममा स्वस्तिमासँगै अर्पण थापा र देशभक्त खनालको अभिनय रहनेछ । फागुन दोस्रो साताबाट छायांकन सुरु हुने फिल्मको कथा, पटकथा तथा संवाद निर्देशक खनाल आफैंले लेखेका हुन् । 
 
फिल्ममा बाजुराकी एक विवाहित महिलाको भूमिका निर्वाह गर्न लागेका कारण स्वस्तिमाले यस क्षेत्रमा बोलिने भाषा सिकिरहेकी छन् । एक हप्ता बाजुराकी एक महिलासँग काठमाडौंमा नै भाषा सिकेकी उनी केही दिनअघि निर्देशक खनाल र देशभक्त खनालको साथमा बाजुरा पुगेकी छन् । अब त्यहाँका स्थानियहरुसँग उनीहरुले भाषा, संस्कृतिको बारेमा छलफल गर्नेछन् ।
 
निर्देशक खनालले वर्कसपका लागि बाजुरा आएको बताए । उनले भने, ‘अहिले हामी बाजुराबाट पनि निकै निकट ठाउँमा आइपुगेका छौं । भाषाको बारेमा कलाकारहरुलाई काठमाडौंमा नै क्लास भएको थियो । यही आएर चाहिँ लोकेशनमै वर्कसप गर्ने र यस ठाउँको भाषा-संस्कृतिको बारेमा यहाँका स्थानीय व्यक्तिसँग छलफल गर्न भनेर आएका हौं । ३/४ दिन हामी यतै बस्छौं ।’
 

Leave a Reply

Your email address will not be published. Required fields are marked *