भद्रपुर १,असोज / देशको भूभाग छुट्टाउने पहिचान नै मेटिएपछि नेपाल-भारत सीमा नाका भद्रपुरमा तीन मिटर अग्लो राष्ट्रिय झन्डा फहराइएको छ । भद्रपुर नगरपालिका ५ नम्बर वडा कार्यालयले राष्ट्रिय झन्डा उपलब्ध गराएपछि मेची पुल पारी सो झन्डा फहराइएको हो । ५ नम्बर वडा अध्यक्ष बन्धु कार्कीले आज शुक्रबार एक संक्षिप्त कार्यक्रमकाबिच वडा प्रहरी कार्यालय भद्रपुरका इन्स्पेक्टर दलकुमार राईलाई राष्ट्रिय झन्डा हस्तान्तरण गरेसँगै मेची पुल पारी प्रहरी विटमाथि तीन मिटर अग्लो झन्डा फहराइएको छ । झन्डा फहराउने कार्यक्रममा वडाका जनप्रतिनिधि, प्रहरी र स्थानीयवासीको पनि उपस्थिति रहेको थियो । यसअघि भद्रपुर नाकामा राष्ट्रिय झन्डा राखिएको थियो। तर, पुरानो भएर च्यातिएपछि त्यसलाई हटाइएको थियो । लामो समयदेखि सीमा नाकामा राष्ट्रिय झन्डा नहुँदा देशको भूभाग छुट्याउने पहिचान नै मेटिएको भन्दै राष्ट्रिय झण्डा राखिएको ५ नं.वडा अध्यक्ष बन्धु कार्कीले जानकारी दिनुभयो। भद्रपुर नगरपालिकाको आर्थिक सहयोगमा नवनिर्मित मेची पुल पारी प्रहरी विटको निर्माण गरिएको छ । सो प्रहरी बिटको उद्घाटन गरिए पनि विटमाथि राष्ट्रिय झन्डा राखिएको थिएन । वडा अध्यक्ष कार्कीले भन्नुभयो – आफ्नै वडामा पर्ने जिल्लाकै दोस्रो ठुलो सीमा नाकामा राष्ट्रिय झन्डा नभएकोले वडा कार्यालयले सो झन्डा खरिद गरेर दिएको हो। यसले राष्ट्रको गौरवसँगै सीमा पहिचानको झल्को दिने उहाँको भनाई छ । Post Views: 290 Post navigation सम्विधान दिवसमा सार्वजनिक विदा चुनौतिदेखि नभागौं, डटेर लडौं
झापाको भद्रपुरमा आदिवासी राष्ट्रिय उत्थान प्रतिष्ठानद्वारा प्रकाशित तथा आदिवासी राजवंशी समुदायका विद्वान अग्रज व्यक्तित्वहरू टेकनारायण राजवंशी लगायत रणकुमार राजवंशी, पानीलाल राजवंशी, लखनलाल राजवंशी, दलसिंह राजवंशी,पवन राजवंशी ,पामर राजवंशी र कमलप्रसाद राजवंशीले लेखेको पुस्तक र ‘ कोच राजवंशी जातिको चिनारी ‘ र पानीलाल राजवंशीद्वारा सङ्कलित र सम्पादित पुस्तक ‘ राजवंशी नेपाली शब्द संग्रह’को कार्यक्रमका प्रमुख अतिथि कोशी प्रदेशका भौतिक पूर्वाधार विकास राज्य मन्त्री भूमिप्रसाद राजवंशीबाट विमोचन र लेखक-सम्पादकलाई सम्मान। रासविस.का झापा अध्यक्ष उत्तमकुमार राजवंशीको अध्यक्षतामा शनिवार भएको विमोचन तथा सम्मान कार्यक्रममा प्रमुख अतिथि राज्य मन्त्री राजवंशी, प्रदेश सांसद निमसरी राजवंशी, भद्रपुर नगर पालिकाका नगरप्रमुख गणेश पाेखरेल, रासविस.का केन्द्रीय अध्यक्ष सुमन्तकुमार राजवंशी,आदिवासी जनजाति राष्ट्रिय प्रतिष्ठानका सदस्य सचिव कमल राजवंशी,वडा अध्यक्ष रतिया राजवंशी, पुनम राजवंशी,राजवंशी युवा मञ्च भद्रपुरका नगर अध्यक्ष अजय राजवंशी तथा पुस्तकका लेखक र सम्पादकले पनि मन्तव्य राखेका थिए।रासविस.झापाका उपाध्यक्ष जीतलाल राजवंशीले स्वागत मन्तव्य राखेको कार्यक्रमको सञ्चालन सोहनलाल राजवंशीले गर्नुभएको थियो । ३ कार्तिक २०८१, शनिबार २०:४५
राजवंशी जाति सम्बन्धी दुई कृतिको भद्रपुरमा विमोचन,लेखक र सम्पादकलाई सम्मान ३ कार्तिक २०८१, शनिबार १७:५९