• Fri. Jan 23rd, 2026
Top Tags
होमपेज

भारतसँगको समन्वयको अभावमा झापाको सीमा नाका खुलेन

BySaptahik Samachar

१५ आश्विन २०७८, शुक्रबार १६:४४ १५ आश्विन २०७८, शुक्रबार १६:४४ १५ आश्विन २०७८, शुक्रबार १६:४४
भद्रपुर १५,असोज /आजदेखि खुला गर्ने भनिएको पुर्वी नाका काँकडभिट्टा र भद्रपुर नाका प्रशासनिक असावधानीका कारण सहज हुन सकेन। नेपाल सरकारले असोज ५ गते नै सवै सीमा नाका खुला गर्ने निर्णय गरेको भए पनि समयमा जिल्ला प्रशासन कार्यालयमा परिपत्र नहुँदा हिजो अर्थात् असोज १४ गते मात्र पत्र आएको भन्दै प्रमुख जिल्ला अधिकारी नेतृत्वको डिसीएमसीको वैठकले आजबाट सीमा नाका खोल्ने निर्णय गरेको हो।
सोही निर्णय बमोजिम नेपाल सरकारले विहीबारदेखि काँकरभिट्टा र भद्रपुर नाका एकतर्फी रुपमा खुलाएको हो ।
नाका खुला पछि छिमेकी मुलुक भारतसँग सीमा जोडिएको झापाको काँकरभिट्टा र भद्रपुर नाका पुरानै लयमा फर्किने आशा गरिएकोमा भारतीय पक्षसँग समन्वय नगरिंदा आवत जावत सहज हुन नसकेको हो।पानी ट्याङ्की नाकालाई भारत सरकारले खुला नगरे पनि विगत केही समयदेखि सो नाकाबाट खोप कार्ड देखाएर नेपाल आउन दिइरहेको छ ।तर, भद्रपुर – गलगलिया नाका कोरोना संक्रमण शुरू भएको लगभग १८ महिना भन्दा अघिदेखि पूर्णरूपमा बन्द छ।
लामो समय पछि नाका खोल्ने सरकारको निर्णयबाट खुसी भएका स्थानीयबासी सीमा नाकामा भारतीय पक्षबाट रोक लगाउँदा त्यतिकै दुःखी भएका छन्।
सीमा खोल्ने विषयमा भारतीय पक्षसँग समन्वय गरिनु पर्थ्यो। समन्वय नगरी एकपक्षीय रूपमा नाका खोल्ने निर्णय सरकारी तथा झापाको प्रशासनिक असावधानी हो – स्थानीय केहीले सामाजिक सञ्जालमा टिप्पणी गरेका छन्।
यसैवीच, भारतको पश्चिम बंगाल सरकारसँग आज (शुक्रबार) छलफल गरेर उताको नाका पनि खुलाउन पहल गरिने इलाका प्रहरी कार्यालय काँकडभिट्टाका डीएसपी सुनिलसिंह दाहालले बताउनुभएको छ ।नाका सहज अरू केही दिन पर्खिनुपर्ने भएको छ।
Post Views: 569

Related Post

होमपेज
भद्रपुरमा भोलिदेखि औद्योगिक मेला सुरु
७ माघ २०८२, मंगलवार २०:०८ Saptahik Samachar
होमपेज
‘ दल भन्दा माथि देश ‘
२७ पुष २०८२, आईतवार १०:५७ Saptahik Samachar
होमपेज
गुरुकुलमा लागेको पुराणबाट झन्डै ४६ लाख बढी नगद संकलन
४ पुष २०८२, शुक्रबार २१:५१ Saptahik Samachar
116 thoughts on “भारतसँगको समन्वयको अभावमा झापाको सीमा नाका खुलेन”

  115. Đến với J88, bạn sẽ được trải nghiệm dịch vụ cá cược chuyên nghiệp cùng hàng ngàn sự kiện khuyến mãi độc quyền.

    Reply

Leave a Reply

Your email address will not be published. Required fields are marked *

You missed

होमपेज
होमपेज
होमपेज
होमपेज