![](https://saptahiksamachar.com.np/wp-content/uploads/2024/03/IMG_20240306_151335-1024x768.jpg)
भद्रपुर २३,फागुन / भद्रपुर नगरपालिकाले पत्रकार र खेलाडीलाई सम्मान गरेको छ। नगर सभाको १३ औं अधिवेशनका अवसरमा अग्रज पत्रकारद्वय नकुल काजी र गोविन्दचन्द्र क्षेत्रीलाई पहिलो पटक दीर्घ सेवा सम्मान, पत्रकारद्वय दिपक अधिकारी र लेखनाथ परदेशीलाई विकास पत्रकारिता पुरस्कार र उदीयमान पत्रकारद्वय रेवतीराज घिमिरे र इशा प्रधानलाई प्रोत्साहन पुरस्कार प्रदान गरिएको हो।
दीर्घ सेवीको सम्मानमा दोसल्ला र खादासहित नगद रू.३० हजार समर्पण गरिएको थियो भने विकास पत्रकारिताको रू.१५ हजार र प्रोत्साहन पुरस्कारको रकम १० हजार सहित दोसल्ला र सम्मान पत्र प्रदान गरिएको थियो। त्यसैगरी, सम्मानित हुने भारोत्तोलन खेलाडीहरू भद्रपुर – ५ की सोनीदेवी दास, भद्रपुर – ७ की मेनुका पौडेल र प्रशिध्दभक्त राजलवट छन् भने क्रिकेट खेलाडी भद्रपुर – ८ का अंकित सुवेदी छन्। खेलाडी प्रत्येकलाई नगद रू २१ हजार, सम्मान – पत्र र दोसल्ला प्रदान गरिएको थियो।
![](https://saptahiksamachar.com.np/wp-content/uploads/2024/03/Screenshot_20240301_153910-5.jpg)
भद्रपुर नगरपालिकाको सभा हलमा सञ्चालित अधिवेशनकै वीचमा वितरण गरिएको सम्मान तथा पुरस्कार वितरण कार्यक्रमको अध्यक्षता नगर प्रमुख गणेश पोखरेलले गर्नुभएको थियो। नेपाल पत्रकार महासंघका झापा अध्यक्ष एकराज गिरी र सम्मानित व्यक्तित्व नकुल काजीले मन्तव्य राखेको कार्यक्रममा सम्मानित तथा पुरस्कृत व्यक्तित्वहरूलाई नगरप्रमुख पोखरेल, उपप्रमुख राधा कार्की र प्रमुख प्रशासकीय अधिकृत सुनिल निरौलाले सम्मान पत्र, खादा र चेक हस्तान्तरण गर्नुभएको थियो।
![](https://saptahiksamachar.com.np/wp-content/uploads/2024/03/IMG_20240306_144809-1024x768.jpg)
विगत दुई वर्षदेखि स्थगित भएको यो पुरस्कार प्रेस क्लब भद्रपुरको समन्वयमा भद्रपुर नगरपालिकाले यो वर्ष स्थगित दुई वर्षकै प्रदान गरेको प्रेस क्लब भद्रपुरका अध्यक्ष राजवावु शंकरले बताउनुभयो।