भद्रपुर /नेपाल चिया उत्पादक संघले सरकारले हालै बढाएको न्यूनतम पारिश्रमिक दिन असमर्थ रहेको स्पष्ट पारेको छ।
आज एक विज्ञप्ति जारी गर्दै चिया उत्पादक संघले संकटमा परेको चिया क्षेत्रले यो भार व्यहोर्न नसक्ने कारण सहित उसले आवश्यकता भन्दा बढी चिया उत्पादन हुँदा भारतीय बजारमा बेच्नुपर्ने बाध्यता र भारतका चिया श्रमिक भन्दा यहाँ बढी ज्याला दिन सम्भव नहुने जिकिर गरेको छ।
विज्ञप्तिमा भनिएको छ – भारतीय चिया मजदुरको भन्दा सय रूपैयाँ बढी ज्याला सरकारले तोकेको छ। मुलुकको अर्थतन्त्र मन्दीमा रहेको, उच्च व्याजदर र चिया उद्योगीहरु चियाको विकल्प खोजी गर्दै मनोवल गिराएको अवस्थामा सरकारको ज्याला बृध्दि कार्यान्वयन गर्न सम्भव छैन ।