![](https://saptahiksamachar.com.np/wp-content/uploads/2022/04/FB_IMG_1649494059928-1024x614.jpg)
भद्रपुर ,२६ चैत । खोजमूलक फिचर लेखन र मिथ्या सूचनाको चुनौति बिषयक दुई दिवसीय प्रशिक्षण शनिवार झापाको कनकाई १ दुर्गापुरमा शुरु भएको छ । नेपाल पत्रकार महासंघ झापा शाखाको आयोजना र कनकाई नगरपालिकाको सहयोगमा सञ्चालित प्रशिक्षणमा जिल्लाका ४९ जना सञ्चारकर्मीको सहभागिता रहेको छ । कार्यक्रमका प्रमुख अतिथि कनकाई नगरपालिकाका प्रमुख राजेन्द्रकुमार पोखरेलले प्रशिक्षणको उद्घाटन गर्नुभएको थियो।
![](https://saptahiksamachar.com.np/wp-content/uploads/2022/04/IMG_२०२२०४०९_१४३३१७.jpg)
नेपाल पत्रकार महासंघ झापा शाखाका अध्यक्ष एकराज गिरीको अध्यक्षतामा उद्घाटन कार्यक्रममा उपप्रमुखले पनि मन्तव्य राख्नुभएको थियो। प्रशिक्षक मैनालीले वर्तमानमा पत्रकारितामा मिथ्या सूचना चुनौति बनेको बताउँदै प्रोएक्टिभ जर्नालिज्ममा जोड दिनुभयो । महासंघका उपाध्यक्ष केशव भट्टराईले स्वागत गरेको प्रशिक्षण उद्घाटनको कार्यक्रमको सञ्चालन सचिव डिकेश लामाले गर्नुभएको थियो । उक्त अवसरमा प्रशिक्षक मैनालीलाई महासंघ झापाको तर्फबाट कदर पत्र प्रदान गरिएको थियो ।