• Wed. Feb 28th, 2024

कोभिड विरुद्धको खोप अभियान सञ्चालनः झापामा साउन १२ -१५गते लगाइने

BySaptahik Samachar

१० श्रावण २०७८, आईतवार १७:४३ १० श्रावण २०७८, आईतवार १७:४३ १० श्रावण २०७८, आईतवार १७:४३
image

भद्रपुर १०, साउन ।साप्ताहिक समाचारदाता। कोभिड १९ विरुद्धको भेरोसील खोप साउन १२ गतेवाट झापामा लगाइने भएको छ । जिल्ला कोभिड व्यवस्थापन समिति डिसिएमसिको आज वसेको वैठकले कोभिड विरुद्धको पहिलो मात्रा खोप लगाउन वाँकी ५५ वर्ष र सो भन्दा माथि उमेर समूहका सवै नागरिकलाइ खोप लगाउने निर्णय गरेको छ ।

जिल्ला प्रशासन कार्यालय झापाका प्रमुख जिल्ला अधिकारी श्रवणकुमार तिमिल्सिनाको अध्यक्षतामा वसेको वैठकले साउन १२ गतेदेखि १५गतेसम्म भेरोसिल खोप लगाइनेछ। पहिलो र दोश्रो दिन अर्थात साउन १२ र १३ गते लक्षित उमेर समूहलाई र त्यस पछि साउन १५ गतेसम्म शिक्षक , कर्मचारी, प्राध्यापक , सार्वजनिक यातायातका चालक, अत्यावश्यक सेवामा कार्यरत व्यक्तिहरु, विदेश जान भिषा लागेका नागरिकहरुलाइ खोप लगाउने निर्णय गरेको छ ।
त्यसैगरी पेट्रोलियम व्यवसायमा संलग्न फ्रन्टलाइनमा कार्यरत कामदार ,भन्सार एजेन्ट, छुटेका सुरक्षाकर्मी , उद्योग वाणिज्य संघ र निर्माण व्यवसायी संघका पदाधिकारी , रेडक्रसकर्मी तथा वैंकिड सेवाको क्यास काउन्टरमा काम गर्ने कर्मचारीहरूलाई खोप लगाइने छ ।

यी खोपहरु जिल्लास्थित सम्पूर्ण सरकारी अस्पतालहरु, प्राथमिक स्वास्थ्य केन्द्र,स्वास्थ्य चौकी र पालिकाले तोकेको स्थानहरुवाट दिइने पनि निर्णय भएको जिल्ला प्रसाशन कार्यालय झापाले जनाएको छ ।

Leave a Reply

Your email address will not be published. Required fields are marked *