• Thu. May 23rd, 2024

अन्तरपालिका फुटबलमा आज र भोलि नकआउट चरणका खेल हुने

BySaptahik Samachar

१९ मंसिर २०८०, मंगलवार ०८:२४ १९ मंसिर २०८०, मंगलवार ०८:२४ १९ मंसिर २०८०, मंगलवार ०८:२४

भद्रपुर, मंसिर १९ । झापाको भद्रपुरमा जारी ओम साई पाथिभरा हस्पिटल प्रथम अन्तर पालिका जिल्लास्तरीय लिग तथा नकआउट फुटबल प्रतियोगिताअन्तर्गत आजबाट नकआउट चरणका खेलहरु सुरु हुने भएका छन् ।

नकआउट चरणमा आठवटा पालिका पुगेका छन् । नकआउट चरणका खेलहरु क्वार्टर फाइनलबाट सुरु हुनेछन् । क्वार्टर फाइनलका खेल मंसिर १९ र २० गते हुने छन् ।

खेल तालिका अनुसार पहिलो क्वार्टर फाइनल खेल आज बुद्धशान्ति गाउँपालिका र शिवसताक्षी नगरपालिकाबीच हुनेछ भने दोस्रो क्वार्टर फाइनल खेल आजै झापा गाउँपालिका र भद्रपुर नगरपालिकाबीच हुनेछ ।

त्यस्तै, तेस्रो क्वार्टर फाइनल खेल भोलि मंसिर २० गते अर्जुनधारा नगरपालिका र बिर्तामोड नगरपालिकाबीच हुनेछ भने अन्तिम क्वार्टर फाइनल खेल मेचीनगर नगरपालिका र गौरादह नगरपालिकाबीच हुने अध्यक्ष दिपेश ढकालले जानकारी दिनुभयो ।

लिग चरणमा एउटा समूहबाट विजेता र उपविजेता हुँदै टिम नकआउटमा प्रवेश गरेका हुन् । समूह क बाट बुद्धशान्ति र बिर्तामोड, समूह ख बाट झापा र गौरादह, समूह ग बाट मेचीनगर र भद्रपुर तथा समूह घ बाट अर्जुनधारा र शिवसताक्षी क्रमशः विजेता र उपविजेता बन्दै क्वार्टर फाइनल प्रवेश गरेका हुन् ।

फुटबलको उर्वर भूमि झापाबाट युवा खेलाडी उत्पादन गर्ने उद्देश्यले आयोजना भएको प्रतियोगिताको सेमिफाइल खेल मंसिर २२ गते र फाइनल खेल मंसिर २४ गते हुने महासचिव जीवनकुमार श्रेष्ठले जानकारी दिनुभयो ।

प्रतियोगिताको विजेताले नगद ३ लाख, ट्रफी, मेडल र प्रमाणपत्र पाउनेछ भने उपविजेताले नगद २ लाख, ट्रफी, मेडल र प्रमाणपत्र प्राप्त गर्नेछ ।

प्रत्येक खेलको प्लेयर अफ द म्याचले नगद २ हजार रुपैयाँ पाउने छन् । त्यस्तै, उत्कृष्ट गोल किप्पर, उत्कृष्ट प्रशिक्षक, उच्च गोलकर्ता र उदीयमान खेलाडीले नगद ५ हजार रुपैयाँ, ट्रफी र मेडल प्राप्त गर्ने छन् ।

483 thoughts on “अन्तरपालिका फुटबलमा आज र भोलि नकआउट चरणका खेल हुने”