हल्दिवारीमा प्रमुख प्रशासकीय अधिकृत वनद्वारा छात्रवृत्ति वितरण

भद्रपुर २, पुस / मातापिताको नाममा स्थापित अक्षय कोषको ब्याजबाट हल्दीबारी गाउँपालिकाका प्रमुख प्रशासकीय अधिकृत मानबहादुर बन (महेन्द्र) ले छात्रवृत्ति वितरण गर्नुभएको छ।
मातापिता नरमाया – जगतवहादुर वनको नाममा स्थापित १ लाख १ हजार १ सय ११ रूपैयाँ अक्षयकोषको ब्याजबाट उहाँले हिजो सो छात्रवृत्ति बितरण गर्नु भएको हो।
   हल्दीबारी माध्यमिक बिद्यालयको ५२औं बार्षिकोत्सवका अवसरमा आयोजित कार्यक्रममा सो विद्यालयमा अध्ययनरत गरीव तथा जेहेन्दार मध्ये मुटुरोगी र स्वासप्रश्वासको समस्या भएका चार जना बिद्यार्थीलाई छनौट गरी छात्रवृत्ति प्रदान गरेको जनाइएको छ ।

छात्रवृत्तिका संस्थापक वन हल्दीबारी गाउँपालिकाका प्रमुख प्रशासकीय अधिकृत हुनुहुन्छ।
बन परिवारले स्थापना गरेको सो अक्षयकोषमा आगामी दिनमा रकम बृद्धि गरिदै लगिने लक्ष्य रहेको पनि उहाँले जानकारी दिनुभयो।