हल्दिबारी-२ को सरस्वती आधारभूत विद्यालयको ६४ औं वार्षिकोत्सव सम्पन्न

सञ्चारकर्मी गिरी र विमली सहित अक्षयकोषदाता,शिक्षासेवी र कर्मचारीलाई सम्मान

भद्रपुर १३,फागुन / नागरिक एफएम. का समाचार सम्पादक सहित दुई सञ्चारकर्मीलाई झापाको हल्दिबारी-२ पाराखोपीमा रहेको सरस्वती आधारभूत विद्यालयले सम्मान गरेको छ। विद्यालयको ६४ औं वार्षिकोत्सव तथा अभिभावक दिवसका अवसरमा आइतबार विशिष्ट महानुभावहरूलाई सम्मान गर्दै विद्यालयले वार्षिकोत्सव सम्पन्न गरेको हो।

सम्मानित हुनेहरूमा अग्रज सञ्चारकर्मी गोपाल गिरी र प्रेस क्लब हल्दिबारीका संयोजक नेत्र विमली सहित शिक्षासेवी हल्दिबारी माविका पूर्वप्रधान अध्यापक नरेन्द्रकुमार कार्की र पूर्व शिक्षक भीमबहादुर श्रेष्ठ लगायत रहनुभएको विद्यालयले जनाएको छ।

संचारका माध्यमबाट शिक्षामा पुर्याएको योगदानको कदर गर्दै समाचार साप्ताहिकको प्रधान सम्पादक र त्यसै अनलाइनको सञ्चालक पनि रहेका गिरी र हल्दिबारी डटकमका सञ्चालक विमलीलाई सम्मान गरिएको हो।
विद्यालयमा आयोजित कार्यक्रममा अक्षयकोष स्थापना गर्ने प्रकाश अधिकारी र गोविन्द पौडेललाई हल्दिबारी गाउँपालिकाका अध्यक्ष रविन्द्रप्रसाद लिङदेनले कदरपत्र प्रदान गर्नुभएको थियो । सोही विद्यालयका शिक्षक, शिक्षिकाहरु पार्वता गौतम, बिनम भट्टराई, फूलकुमारी हेमरम,हरिकान्त झा,साकिला घिमिरे र विद्यालय कर्मचारी गोपाल राजवंशीलाई पनि सम्मान गरिएको थियो।
यसैगरी हल्दिबारी मा.वि.का पूर्व प्र.अ. नरेन्द्रकुमार कार्की एवं पूर्व शिक्षक भीमबहादुर श्रेष्ठ, विद्यालय ब्यवस्थापन समितिका पूर्व अध्यक्ष खकेन राजवंशी लगायतलाई सम्मान गरिएको विद्यालयले जनाएको छ।

हल्दिबारी गाउँपालिकाका अध्यक्ष रविन्द्रप्रसाद लिङ्देनको प्रमुख आतिथ्य र विद्यालय व्यवस्थापन समितिका अध्यक्ष इश्वरी दाहालको अध्यक्षतामा भएको

कार्यक्रममा हल्दिबारी गाउँपालिकाका अध्यक्ष तथा प्रमुख अतिथि लिङ्देन, उपाध्यक्ष लक्ष्मीदेवी मैनाली, वडा नं. २ का अध्यक्ष शुकलाल राजवंशी, सम्मानित व्यक्तित्व नरेन्द्रकुमार कार्की, , डम्बरबहादुर खत्री, हल्दिबारी २ माओबादी केन्द्रकी सचिव शारदा चौलागाई, नव सृजना प्रा.वि.का प्र.अ. भीम दाहाल लगायतले शुभकामना मन्तव्य राख्नुभएको थियो ।
विविध सास्कृतिक कार्यक्रम सहित मनाइएको कार्यक्रममा स्वागत मन्तव्य विद्यालयका प्र.अ. गोविन्द बोहोराले गर्नुभएको थियो भने कार्यक्रमको सञ्चालन शिक्षिका शर्मिष्टा नेपालले गर्नुभएको थियो ।