• Mon. Jun 30th, 2025
Top Tags
होमपेज

हल्दिबारी गाउँ पालिकाको सार्वजनिक सुनुवाइ सम्पन्न

BySaptahik Samachar

१४ माघ २०८१, सोमबार १७:५६ १४ माघ २०८१, सोमबार १७:५६ १४ माघ २०८१, सोमबार १७:५६

भद्रपुर १४, माघ / हल्दिबारी गाउँ पालिकाको सार्वजनिक सुनुवाइ कार्यक्रम सम्पन्न भएको छ । गाउँपालिकाका अध्यक्ष रविन्द्रप्रसाद लिङ्देनको अध्यक्षतामा आज गाउँपालिका परिसरमा सार्वजनिक सुनुवाइ भएको हो।
नागरिक एफ.एम.भद्रपुरको सहजीकरणमा भएको सार्वजनिक सुनुवाइमा गाउँपालिकाका उपाध्यक्ष लक्ष्मीदेवी मैनाली, वडाअध्यक्ष तथा कार्यपालिका सदस्यहरू,राजनीतिक दलका प्रतिनिधिहरू र विभिन्न संघसंस्था र विद्यालयका प्रतिनिधिहरूको उपस्थिति थियो।

सार्वजनिक सुनुवाइमा सेवाग्राहीले राखेका विभिन्न जिज्ञासाको जवाफ गाउँपालिका अध्यक्ष लिङ्देन,प्रमुख प्रशासकीय अधिकृत मानबहादुर बन, वडाअध्यक्षहरू क्रमशः देवीवहादुर थापा,शुकलाल राजवंशी, बिष्णुप्रसाद ओली,सन्तकुमार थापा र खड्ग लावती लगायतले दिनुभएको थियो।

सार्वजनिक सुनुवाइमा टीका पोखरेल,शेरबहादुर दाहाल, विजयप्रकाश लावती,अर्जुन भट्टराई र मन्जु सुवेदी दाहालले विभिन्न जिज्ञासा राख्नु भएको थियो।
त्यसैगरी,पदमबहादुर तामाङ, कुमार बजगाईं, नेत्र विमली, सुरेशकुमार भट्टराई र सुदीप गिरीले पनि विकास निर्माण सम्बन्धी प्रश्न र सुझावहरू राख्नु भएको थियो। कार्यक्रमको सहजीकरण नागरिक एफएम.का गोपाल गिरी र ईश्वर अधिकारीले गर्नुभएको थियो।

Post Views: 368

Related Post

होमपेज
‘सदरमुकाम भद्रपुरको गाथा’ सार्वजनिक
१३ असार २०८२, शुक्रबार १८:०० Saptahik Samachar
होमपेज
सडक विस्तारमा अवरोध नगर्न सर्वोच्चको आदेश /विस्तार रोक्नेको रिट खारेज
१२ असार २०८२, बिहीबार १६:०५ Saptahik Samachar
होमपेज
प्रादेशिक अस्पताल भद्रपुरको मेडिकल सुपरिटेण्डेन्टमा डा.गुप्ता नियुक्त
१० असार २०८२, मंगलवार १९:२९ Saptahik Samachar
118 thoughts on “हल्दिबारी गाउँ पालिकाको सार्वजनिक सुनुवाइ सम्पन्न”

Leave a Reply

Your email address will not be published. Required fields are marked *

You missed

होमपेज
होमपेज
होमपेज
होमपेज