राष्ट्र सेवक समाजद्वारा निम्न आय भएका जेहनदार छात्रालाई छात्रवृत्ति प्रदान

भद्रपुर ९,जेठ / सेवा निवृत्त राष्ट्र सेवक समाज नेपालको भद्रपुर नगर समितिले निम्न आय भएका ३ जना छात्रालाई जेहनदार छात्रवृत्ति प्रदान गरेको छ।
समाजका सदस्यहरूले स्थापना गरेकोे सामाजिक प्राेत्साहन काेषबाट आज भद्रपुर नगरपालिकाको १ नं. वडा कार्यालय पृथ्वीनगरको सभाहलमा आयोजित संक्षिप्त कार्यक्रममा ३ जना छात्रालाई छात्रवृत्ति प्रदान गरिएको हो।

समाजका भद्रपुर नगर अध्यक्ष मुक्तिनाथ दाहालको अध्यक्षता र नगर समितिका सल्लाहकार जीवनाथ पोखरेल ‘ जीवन ‘ को प्रमुख आतिथ्यमा भएको कार्यक्रममा छात्राहरू समीक्षा गजमेर, रोनिशा मर्डी र रेखा गौतमलाई नगद रू.२५ सय सहित प्रोत्साहन-प्रमाण पत्र प्रदान गरिएको थियो।
सेवा निवृत्त राष्ट्र सेवक समाजको क्षेत्रीय समिति पृथ्वीनगरको संयोजनमा भएको कार्यक्रममा समाजका सल्लाहकार शिवकुमार राजभण्डारी, अरनिको मावि.का प्रअ.पुरुषोत्तम खरेल, भद्रपुर नगर पालिकाका १ र २ नं.वडाका वडाअध्यक्ष क्रमशः रामप्रसाद अधिकारी र राम कँडेलले शुभकामना मन्तव्य व्यक्त राख्नुभएको थियो।

क्षेत्रीय समितिका संयोजक नेत्रप्रसाद दाहालले स्वागत मन्तव्य राखेको कार्यक्रमको सञ्चालन समाजका सचिव खड्गबहादुर बुढाथोकीले गर्नुभएको थियो।