राष्ट्रिय वाल दिवसमा हाजिरीजबाफ र रक्तदान कार्यक्रम

BySaptahik Samachar

२८ भाद्र २०८१, शुक्रबार १६:५१ २८ भाद्र २०८१, शुक्रबार १६:५१ २८ भाद्र २०८१, शुक्रबार १६:५१

भद्रपुर २८,भदौ / राष्ट्रिय वाल दिवसको सन्दर्भमा भद्रपुरमा हाजिरी जवाफ प्रतियोगिता गरिएको छ ।

‘वालवालिकामा लगानी सुनिश्चित भविष्यको थालनी ‘ भन्ने राष्ट्रिय वाल दिवस २०८१ को नारालाई सार्थक तुल्याउन सामुदायिक प्रहरी सेवा केन्द्र भद्रपुर , सगरमाथा सामुदायिक सिकाई केन्द्र र साना हातहरू नेपाल भद्रपुरको संयुक्त आयोजनामा आज हाजिरीजबाफ प्रतियोगिता सम्पन्न गरिएको हो ।

भद्रपुरका प्राथमिक स्तरका विद्यार्थीबीच गरिएको हाजिरीजबाफ प्रतियोगितामा प्रथम पृथ्वी आधारभूत विद्यालय , दोस्रो गौतम बुद्ध र तेस्रो पशुपति आधारभूत विद्यालय भएको थियो। सहभागी चार विद्यालयमा शारदा आधारभूत विद्यालयले सान्तवना पुरस्कार पाएको छ ।
कार्यक्रममा ; प्रमुख अतिथि भद्रपुर नगर पालिकाका प्रमुख गणेश पोखरेल, विशेष अतिथि वडा नं ५ अध्यक्ष बन्धु कार्की , अतिथि वडा सदस्य जेष्ठमल ठाकुर, वडा प्रहरी कार्यालय प्रमुख लोककृष्ण दाहाल, सामाजिक विकास शाखा प्रमुख जीवनकला राउत , सगरमाथा सामुदायिक सिकाई केन्द्रका गोपाल गिरीलगायतले मन्तव्य राख्नुभएको थियो।
दिपक अग्रवालले सहजीकरण गरेको कार्यक्रमको अध्यक्षता आयोजक तीनवटै संस्थाका अध्यक्षहरू क्रमशःशीला खड्का, तोया गड्तौला र विक्रम वाग्लेले गर्नु भएको थियो ।
सामुदायिक प्रहरी सेवा केन्द्र भद्रपुरकी उपाध्यक्ष रीता दाहालले स्वागत मन्तव्य र कार्यक्रम संचालन उषा राजवंशीले गर्नुभएको थियो ।