‘ मिस्टर नेपाल’का ३० फाइनलिस्टको नाम सार्वजनिक

• नेक्स्ट मोडल्सले आयोजना गरेको डिजिटल अडिसनबाट मिस्टर नेपाल २०२५ का लागि ३० युवा छनोट भएका छन्।
• छानिएका प्रतियोगीहरूलाई पौडी, फुटबल, चट्टान आरोहण, समाजसेवा, क्याटवाक लगायत विषयमा प्रशिक्षण दिइनेछ।
• फिनाले सोल्टी होटलमा १२ सेप्टेम्बरमा आयोजना हुनेछ र तीन विजेता छानिनेछन्।
झापा भद्रपुर निवासी contentest नम्बर १२ का गिरिशरत्न शाक्यलाई भोट दिन आह्वान।
    भद्रपुर ३० साउन / ‘मिस्टर नेपाल २०२५’को उपाधिका लागि झापा भद्रपुरका गिरिशरत्न शाक्य सहित ३० युवा भिड्ने भएका छन् । आयोजक नेक्स्ट मोडल्सले इटहरी, जनकपुर, हेटौडा, चितवन, भैरहवा, धनगढी, पोखरा, नेपालगञ्ज काठमाडौंमा आयोजना गरिएको डिजिटल अडिसनबाट ३० युवा छनोट भएको जनाएको हो ।

छानिएका प्रतियोगीहरूमा नेपालगञ्जका कृष्ण कसोधन, महेन्द्रनगरका इन्द्र ढुंगेल, धनगढीका रेजोन कुमार गौतम, नुवाकोटका सन्देश गजुरेल, कञ्चनपुरका निशान्त बुढायर ,नेपालगञ्जका कुषाग्र गुप्ता ,काठमाडौँका सत्यम पाठक, हेटौडाका निश्चल मानन्धर , सुनसरी दुहुबीका अजय रौनियार ,मकवानपुरका विजय स्याङतान र असिम बस्नेत छन्।

त्यस्तै काठमाडौँका प्रदिप श्रेष्ठ, धनगढीका अजय रिजाल, काठमाडौँकै सक्रिय घिसिङ तामाङ र सन्दिप भारती, धरानका एन्जल गिरी, अमेरिका बस्ने आशिष गिरी, ललितपुरका अस्टिन शेरचन, पोखराका दर्पण सिंह गिरी र स्याङ्जाका दिनेश गुरुङ छन् ।

साथै, हिमाञ्चल राज केसी ललितपुर, निशान कार्की विराटनगर, सबल कटुवाल कटारी उदयपुर, विसञ्जङ निरौला इटहरी ,सुजालु उपाध्याय भैरहवा, प्रकाश चौहान मोरङ, निशान्त केसी सुर्खेत, लक्ष्मणचन्द्र ठकुरी बैतडी र प्रभात थापा क्षेत्री नेपालगञ्जका छन्।
शाक्य सहित छानिएका सबै प्रतियोगीहरु ‘मिस्टर नेपाल २०२५’को उपाधिका लागि अहिले कडा प्रशिक्षणमा छन्।

उनीहरूबीच पौडी, फुटबल, चट्टान आरोहण, समाजसेवा, छोटो पदयात्रा, क्याटवाक, व्यक्तित्व विकास, पब्लिक स्पिकिङलगायतका दर्जन बढी विषयको प्रशिक्षण जारी छ।
प्रतियोगितामा मुलुकको आन्तरिक पर्यटनको विकासका लागि समेत विभिन्न गतिविधि सञ्चालन हुने जनाइएको छ । फिनालेमा मिस्टर वल्र्ड नेपाल, मिस्टर ग्लोबल नेपाल र ‘म्यान अफ द वर्ल्ड नेपाल’ गरेर तीन विजेता छानिनेछ । फिनाले सोल्टी होटलमा १२ सेप्टेम्बर अर्थात् भदौ २७ मा आयोजना हुनेछ।