प्रमोद तामाङको स्मृतिमा पुरस्कार तथा छात्रवृत्ति वितरण

भद्रपुर १५, भदाै / स्व. प्रमोद तामाङको १६ औं स्मृति दिवस-२०८२ को अवसर‌मा आज भद्रपुरमा पुरस्कार तथा छात्रवृत्ति वितरण गरिएको छ। नेपाल निजामती कर्मचारी संगठन, झापा र राष्ट्र‌सेवक वचत तथा ऋण सह‌कारी संस्था भद्रपुर-१० को संयुक्त आयोजनामा पुरस्कार तथा छात्रवृत्ति वितरण गरिएको हो।
    नेपाल निजामती कर्मचारी संगठनकी केन्द्रीय अध्यक्ष भवानी न्यौपाने-दाहालको प्रमुख आतिथ्य र संगठन‌का झापा अध्यक्ष हिरन्य नेउपानेको अध्यक्षतामा भएको कार्यक्रममा सामुदायिक विद्यालयमा अध्ययन गरेर कक्षा १२ को परीक्षामा उत्कृष्ट हुने छात्रा ताकिता शर्मालाई नगद रु.१० हजारको छात्रवृत्ति र सञ्चारकर्मी उमाकान्त खनाललाई स्व.प्रमोद तामाङको स्मृतिमा सुशासन पत्रकारिता पुरस्कार  प्रदान गरिएको थियो।
  त्यस्तै,कमल पौडेल र देवका गौतमलाई उत्कृष्ट कर्मचारीको पहिचान दिँदै प्रमोद तामाङ स्मृति पुरस्कार प्रदान गरिएको थियो।

भद्र‌पुर नगर पालिकाको १० नं. वडा कार्यालयको सभाहलमा भएको समारोह‌मा प्रमुख अतिथि दहाल, विशेष अतिथि सहायक प्रमुख जिल्ला अधिकारी डोरेन्द्र निरौला,सम्मानितद्वय देवका गौतम र उमाकान्त खनाल,आयोजक सहकारी संस्थाका अध्यक्ष वशिष्ठ अधिकारीले मन्तव्य राख्नुभएको थियो।
    संगठन‌का कोषाध्यक्ष मनोज भट्टराईले स्वागत मन्तव्य राखेको कार्यक्रम‌को संचालन सचिव पूर्णचन्द्र मैनालीले गर्नु भएको थियो ।