भद्रपुर १४, भदौ /झापा भद्रपुर -८ मा रहेको ज्ञानोदय शिक्षक बचत तथा ऋण सहकारी संस्थाको अध्यक्षमा गोविन्द बोहोरा सर्वसम्मत निर्वाचित हुनुभएको छ।
सहकारीको आज भएको १६औं साधारण सभाले आगामी चार वर्षका लागि बोहोरा सहित ९ सदस्यीय कार्यसमिति र ३ सदस्यीय लेखा सुपरिवेक्षण समिति सर्वसम्मत निर्वाचित गरेको हो।
समितिको उपाध्यक्षमा कृष्णप्रसाद वन, सचिव लक्ष्मीप्रसाद गौतम तथा सदस्यहरूमा पार्वता गौतम, गोविन्द विश्वकर्मा, अनुपा राई, करकचन्द्र राजवंशी, रमेश ढुंगेल र बडाराम हेमरम हुनुहुन्छ। त्यस्तै, लेखा सुपरिवेक्षण समितिमा संयोजक- तोसलकुमार दाहाल र सदस्यहरूमा सोहनलाल गणेश र मेनका शर्मा रहनुभएको निर्वाचन समितिले जनाएको छ।
शिक्षकहरूद्वारा सञ्चालित यस सहकारीमा ४६३ जना सदस्य रहेका छन्।भद्रपुरको होटल डेग्लोमा भएको१६ औँ साधारण सभा भद्रपुर नगरपालिकाका नगर प्रमुख गणेश पोखरेलको प्रमुख आतिथ्य र
सहकारी संस्थाका अध्यक्ष गोपीकृष्ण न्यौपानेको अध्यक्षतामा सम्पन्न भएको हो।