कीर्तिमानी साइकल यात्रीलाई भद्रपुर झापा गोल्डकपद्वारा सम्मान

BySaptahik Samachar

१५ मंसिर २०८२, आईतवार १६:१६ १५ मंसिर २०८२, आईतवार १६:१६ १५ मंसिर २०८२, आईतवार १६:१६

भद्रपुर १४ , मङ्सिर / भद्रपुर झापा गोल्ड कपको आयोजनामा मेचीदेखि महाकाली र महाकालीदेखि मेचीसम्मको किर्तिमानी साइकल यात्रा सफलतापूर्वक सम्पन्न गर्ने भद्रपुर साइकल समाजका अध्यक्ष जीवनकुमार श्रेष्ठसहित पाँच जनालाई आज एक विशेष समारोहका बीच सम्मान गरिएको छ। साइकल यात्रीहरुले गत कार्तिक २३ गते भद्रपुरकाे मेची पुलबाट प्रारम्भ गरेको यात्रा मंसिर १ गते ९ दिनमा महाकालीको गड्डाचौकी पुगेर पुनः मंसिर ३ गतेबाट भद्रपुरका लागि संकल्प गर्दै ६ दिनमै मेची किनारमा आएर यात्रा सम्पन्न गरेका थिए।

भद्रपुरस्थित एयरपोर्ट होटलमा सम्पन्न बधाई तथा सम्मान कार्यक्रमको अध्यक्षता भद्रपुर झापा गोल्ड कपका अध्यक्ष दिपेश ढकालले गर्नु भएको थियो।
समारोहका प्रमुख अतिथि भद्रपुर नगरपालिकाका प्रमुख गणेश पोखरेल तथा विशेष अतिथि उपप्रमुख राधा कार्कीको उपस्थितिमा सम्मान स्वरूप भद्रपुर साइकल समाजलाई नगद रु. २५ हजार र कदर–पत्रका साथै साइकल यात्रीहरूलाई खादा तथा सम्मान–पत्र प्रदान गरिएको थियो। किर्तिमानी यात्रा पूरा गर्ने टोलीमा भद्रपुर साइकल समाजका अध्यक्ष जीवनकुमार श्रेष्ठ, कोषाध्यक्ष देवीबहादुर श्रेष्ठ, मनोज सिंह, समिर पोखरेल र विश्वचन्द्र महतो हुनुहुन्थ्यो।

स्वागत मन्तव्य तथा कार्यक्रमको औचित्य प्रस्तुत गर्दै अध्यक्ष ढकालले मेची–महाकाली यात्रा सफल पार्ने कार्यले भद्रपुरको प्रतिष्ठा मात्र बढाएको नभई खेल पर्यटन र स्वस्थ जीवनशैलीप्रति समाजलाई प्रेरित गरेको बताउनु भयो।
कार्यक्रमका अवसरमा प्रमुख अतिथि नगर प्रमुख पोखरेल र उपप्रमुख राधा कार्कीले शुभकामना मन्तव्य राख्दै साइकल यात्राले भद्रपुरको पहिचान बढाएकोमा खुशी व्यक्त गर्नुभयो ।

भरखरै मनास्लु पदमार्गकाे कठिन यात्रा सम्पन्न गरी फर्किनु भएका ८ नम्बर वडा अध्यक्ष गौरव सुब्बा मनोजले आफ्नो यात्रानुभव प्रस्तुत गर्दै साेही अवसरमा साइकल यात्रीलाई शुभकामना व्यक्त गर्नु भएको थियो भने सम्मानित व्यक्तित्व साइकल समाजका अध्यक्ष श्रेष्ठले आफ्नो अनुभव सुनाउँदै यात्राले आफूहरूलाई देश, प्रकृति र मानवीय क्षमताप्रतिको भरोसा अझै मजबुत बनाएको बताउनु भयो। कार्यक्रमको सञ्चालन गोल्ड कपका सचिव तीर्थराज ढकालले गर्नुभएको थियाे।

Post Views: 792

होमपेज

कीर्तिमानी साइकल यात्रीलाई भद्रपुर झापा गोल्डकपद्वारा सम्मान

BySaptahik Samachar

Related Post

झापा ३ का नेकपा.का उमेद्वार हिक्मतद्वारा प्रतिबद्धता पत्र सार्वजनिक

झापा ३ का नेकपा. उम्मेदवार हिम्मतद्वारा प्रतिबद्धता पत्र सार्वजनिक

सुखानी सन्देशको वैदेशिक रोजगार म्यागेजिनको विमोचन

55 thoughts on “कीर्तिमानी साइकल यात्रीलाई भद्रपुर झापा गोल्डकपद्वारा सम्मान”

Leave a Reply to Certified in Iraq Cancel reply

You missed

झापा ३ का नेकपा.का उमेद्वार हिक्मतद्वारा प्रतिबद्धता पत्र सार्वजनिक

झापा ३ का नेकपा. उम्मेदवार हिम्मतद्वारा प्रतिबद्धता पत्र सार्वजनिक

सुखानी सन्देशको वैदेशिक रोजगार म्यागेजिनको विमोचन

भारतको लखनउ र डडेलधुरा विजयी

हाम्रो बारेमा