किड्स साइक्लोथनमा भट्टराई र शर्मा विजयी

भद्रपुर १०, माघ / भद्रपुरमा आयोजना भएको पहिलो किड्स साइक्लोथनमा प्रागुनबाबू भट्टराई र ऐश्वर्य शर्माले प्रथम स्थान हासिल गरेका छन् ।
भद्रपुर साइकल समाजद्वारा आयोजित पहिलो  किड्स साइक्लोथन–२०८२ प्रतियोगितामा महिला र पुरुषलाई छुट्टा छुट्टै प्रतिष्पर्धा गराइएको थियो । ८ देखि १४ वर्ष उमेर समूहका बालबालिकालाई सहभागी गराइ पहिलोपटक आयोजित ऐतिहासिक साइकल दौड साइक्लोथोन प्रतियोगितामा केटातर्फ भद्रपुर – ८ का प्रागुनबाबु भट्टराई – प्रथम, भद्रपुर – ७ का भवानी चापागाईं दोस्रो र सोही वार्डका सक्षम घिमिरे तेस्रो भएका थिए।

त्यस्तै, केटीतर्फ भद्रपुर- ५ की ऐश्वर्य शर्मा, भद्रपुर ९ कि रेश्मा राजबंशी र भद्रपुर -८ की अस्मिता कुँवर क्रमश: प्रथम, दोस्रो र तेस्रो भएका थिए। विजेता प्रतियोगीलाई क्रमश : ३ हजार, २ हजार र १ हजार नगद पुरस्कार सहित प्रमाणपत्र प्रदान गरिएको थियो। केटा तथा केटीतर्फका दशौँ सम्मलाई सान्त्वना पुरस्कार स्वरूप रु ५ सय र प्रमाणपत्र प्रदान गरिएको आयोजक भद्रपुर साइकल समाजका अध्यक्ष जीवनकुमार श्रेष्ठले बताउनुभयो।

मुलुककै पाचौं  तथा कोशी प्रदेशको पहिलो बालमैत्री स्थानीय शासनयुक्त नगरपालिका भद्रपुरमा पहिलाे पटक किड्स साइक्लोथन आयाेजना भएकाे हाे ।
      आयोजकका अनुसार महेन्द्र पार्क (महेन्द्र उद्यान), गायत्री मन्दिर ,गार्मेन्ट चोक, बोक्तोबारी हुँदै →मन्त्री चोक→पूर्व झापा चोक र मुख्य सडक हुँदै ११.११ किमि पुरा गरी महेन्द्र उद्यानमा पुगेर साइक्लोथोन समापन  गरिएको थियो ।