• Sun. Jul 21st, 2024

सेन्ट कुजुरमा तयारी कपडा वितरण

BySaptahik Samachar

१६ मंसिर २०७९, शुक्रबार १८:०४ १६ मंसिर २०७९, शुक्रबार १८:०४ १६ मंसिर २०७९, शुक्रबार १८:०४

  • राजु बरालबाट/भद्रपुर १६, मङ्सिर

झापाको भद्रपुर १० स्थित सेन्ट कुजुर एकाडेमी युवा रेडक्रस सर्कलको आयोजनामा बिपन्न बर्गका बिध्यार्थी र अभिभावकलाई निशुल्क तयारी कपडा वितरण गरिएको छ ।

नेपाल रेडक्रस सोसाइटी , भद्रपुर उपशाखाको सहयोगमा सेन्ट कुजुर एकाडेमी , जीवन ज्योति आधारभुत बिध्यालय र शुक्रराज आधारभुत बिध्यालयका बिपन्न बर्गका बिध्यार्थी र अभिभावकलाई तयारी कपडा वितरण गरिएको हो ।

भद्रपुर नगरपालिकाका प्रमुख गणेश पोखरेलको प्रमुख आतिथ्यमा सम्पन्न सो कार्यक्रममा ६५ जना बिध्यार्थी र अभिभावकलाई तयारी लत्ताकपडा वितरण गरिएको थियो ।

 भद्रपुर नगरपालिकाका प्रमुख गणेश पोखरेल , उपप्रमुख राधा कार्की , वडा न. १० का सदस्य दुर्गा दाहाल , चन्द्रगढी सामुदायिक वन उपभोक्ता समूहकी सचिव पार्वती मल्ल , चन्द्रगढी खानेपानी उपभोक्ता तथा सरसफाइ समितिका उपाध्यक्ष बाबुराम पराजुली , नेपाल बहुद्देश्यीय सहकारी संस्थाका युवराज ढकाल र सामाजिक अभियन्ता शिवकुमार राजभन्डारीले शुभकामना मन्तब्य राख्नु भएको कार्यक्रममा नेपाल रेडक्रस सोसाइटी , भद्रपुर उपशाखाका सभापति गोपाल गिरीले कार्यक्रमको औचित्य माथि प्रकाश पार्नु भएको थियो । 

सेन्ट कुजुर एकाडेमी युवा रेडक्रस सर्कलका अध्यक्ष निकिता राजबन्शीको अध्यक्षता र  ममता कार्कीको स्वागत मन्तब्य रहेको कार्यक्रमको सन्चालन शिक्षक राजु बरालले गर्नु भएको थियो ।कार्यक्रममा विद्यालयका छात्राले नृत्य समेत प्रस्तुत गरेर मनोरञ्जन प्रदान गरेका थिए।

Leave a Reply

Your email address will not be published. Required fields are marked *