समाजसेवी गोयल परिवारद्वारा विपन्न आदिवासी समुदायका छात्रालाई सहयोग

भद्रपुरका ११छात्रा लाभान्वित

भद्रपुर २,कात्तिक /समाजसेवी गाेयल परिवारद्वारा भद्रपुरका ११ जना छात्रालाई साइकलसहित शैक्षिक सामग्री र छात्रवृत्ति प्रदान गरिएको छ। । समाजसेवी दीनबन्धु गाेयलको आयाेजना र भद्रपुर मारवाडी संघको सहअआयाेजनामा बुधबार संघको सभाहलमा सामग्री वितरण गरिएकाे हाे।

दानवीर दीनबन्धु गोयलका जेष्ठ भ्राता समाजसेवी महावीर गाेयलले आफ्नी पत्नी स्व. गाैरादेवी गाेयलकाे स्मृतिमा सामग्री उपलब्ध गराउनुभएकाे हाे ।

विपन्न परिवारका आदिवासी छात्राहरूले साइकल सहित विद्यालयीय पोसाक र अध्ययनका लागि स्कुल फी समेत छात्रवृत्ति स्वरूप प्राप्त गरेपछि छात्राहरू दंग परेका छन् ।उनीहरूलाई विद्यालय आउ जाऊमा समेत समेत सहज भएको छ
साइकल पाउनेहरू भद्रपुर मावि र वीरेन्द्र माविमा +२मा अध्ययनरत सरिता कर्माकार, बबिता राजवंशी, फुलमुनी मर्डी, प्रितम उराउ, सिर्जना सदा र करुणा ऋषिदेव(मुसहर) छन् ।
त्यस्तै, वीरेन्द्र नमुना क्याम्पसमा स्नातहमा अध्ययनरत रोशनी मुर्मु, बाहा मुर्मु, जोसफिना खडिया, आशा खेरबार र मोती मालपाँडे छन् ।

भद्रपुर नगरपालिकाका प्रमुख गणेश पोखरेलको प्रमुख आतिथ्य र भद्रपुर मारवाडी संघका अध्यक्ष अजय साहेवालाको सभापतित्वमा भएको कार्यक्रममा जनप्रतिनिधिहरू ५,६ र ७ नं.वडा अध्यक्षहरू क्रमशः बन्धु कार्की, रतिया राजवंशी र अभिषेक ढुङ्गाना लगायत स्थानीय संघ संस्थाका प्रतिनिधि र उद्योगी व्यवसायीले सामग्री हस्तान्तरण गर्नुभएको थियो। कार्यक्रममा प्रमुख अतिथि नगर प्रमुख पोखरेल, वडाध्यक्ष अभिषेक ढुङ्गाना र नेपाल उद्योग वाणिज्य महासंघ प्रदेश एकका अध्यक्ष टीकाराज ढकालले शुभकामना मन्तव्य राख्नुभएको थियो भने कार्यक्रमको सञ्चालन सञ्चारकर्मी गोपाल गिरीले गर्नुभएको थियो।