![](https://saptahiksamachar.com.np/wp-content/uploads/2023/01/Screenshot_20230115_075758-1024x551.jpg)
भद्रपुर १,माघ / दुई दिनदेखि बस्न नसकेको भद्रपुर नगर कार्यपालिकाको बैठक हिजो भने बसेको छ। नगर कार्यपालिकालाई गुमराहमा राखेर सीमित व्यक्तिको स्वार्थमा नगर शिक्षा समिति गठन गरेपछि आक्रोशित बनेका वहुमत बोर्ड सदस्यले बैठक बहिष्कार गरेपछि दुईपटक डाकिएको नगर बैठक बिफल भएको थियो।
नगर प्रमुख गणेश पोखरेलले असन्तुष्ट बनेका जनप्रतिनिधिहरूसमक्ष विवादित शिक्षा समिति र सो समितिले गरेका सम्पूर्ण निर्णय खारेज गर्ने मौखिक सहमति जनाएपछि नगर कार्यपालिकाको बैठक शनिबार दोस्रो पटक भने बसेको थियो।
शनिबार दिउँसो बसेको नगर कार्यपालिका बैठकको पहिलो प्रस्तावमै शिक्षा कार्यविधिविपरीत गठित शिक्षा समिति र त्यस समितिले गरेको सम्पूर्ण निर्णय खारेज गर्ने निर्णय गरिएको कार्यपालिका सदस्य विवेक राजवंशीले जानकारी दिनुभयो । अवैधानिक शिक्षा समिति र त्यसले गरेका निर्णय खारेजीको एक सूत्रीय मांग उनीहरूको थियो।
खारेजी पछि सोही बैठकले नगर शिक्षा कार्यविधिबमोजिम शिक्षा समितिमा कार्यपालिकाबाटै एक महिला र एक दलित गरी तीन जना सदस्य मनोनित गरेको छ।कार्यपालिका बैठकले नगर शिक्षा कार्यविधिबमोजिम शिक्षा समितिको महिला सदस्यमा सीता गुरुङ, दलित सदस्यमा प्रशंसा ठटाल र खुला सदस्यमा विवेक राजवंशीलाई सदस्यमा मनोनित गरेको जनाइएको छ।
मनोमानी ढङ्गले गठन गरिएको शिक्षा समिति खारेज गर्न माग गर्दै नेकपा (एमाले) का ११ जना र राप्रपाका ३ जना गरी १४ जना कार्यपालिका सदस्यहरूले शुक्रबारदेखि कार्यपालिका बैठक बहिष्कार गरेका थिए।
![](https://saptahiksamachar.com.np/wp-content/uploads/2023/01/Screenshot_20230115_075817-1024x536.jpg)
नगरपालिकाले पुनः शनिबार बिहान ८ बजे डाकेको बैठक पनि उनीहरूले बहिष्कार गरेका थिए। निर्णय फिर्ता लिने जानकारी आएपछि दिउँसो साढे १ बजे कार्यपालिका बैठक बसेको थियो। सहमति पछि बसेको बैठकले तोकिएका अन्य सवै प्रस्तावहरूमाथि छलफल गरी निर्णयहरू भएको नगरपालिकाले जनाएको छ।
Thank you for your sharing. I am worried that I lack creative ideas. It is your article that makes me full of hope. Thank you. But, I have a question, can you help me?