भद्रपुर 22,मंसिर / नेपाल रेडक्रस सोसाइटी भद्रपुर उपशाखाका सचिव, सामाजिक अभियन्ता दीप लिम्बूको अन्त्येष्टि गरिएको छ। सचिव लिम्बूको बुधबार(मंसिर 22 गते)विहान सवा १० बजे मेची अस्पतालमा उपचारकै क्रममा निधन भएको थियो। स्वर्गीय लिम्बूको शवमा भद्रपुर नगरपालिकाका प्रमुख तथा भद्रपुर रेडक्रसका सल्लाहकार जीवनकुमार श्रेष्ठ, नेपाल रेडक्रस सोसाइटी जिल्ला शाखाका मन्त्री चन्द्र चुडाल र भद्रपुर उपशाखाका सभापति गोपाल गिरीले रेडक्रसको झण्डा ओढाउनु भएको थियो। उहाँको शवलाई जातीय परम्परा अनुसार भद्रपुर -२,ज्ञाने चोक छेउ देउनिया घाटमा अन्त्येष्टि गरिएको हो। मृगौला प्रत्यारोपण गरेर पनि रेडक्रस मार्फत सामाजिक क्रियाकलापमा सँधै अग्रसर दीप पछिल्लो पटक लगभग एक महिना देखि कोभिड संक्रमणबाट थलिनु भएको थियो। मृगौला पीडित उहाँको हप्ता दिन यता अस्पतालको एचडियूमा राखेर उपचार भइरहेको थियो भने दुई दिन अघिबाट एचडियूमै भेन्टिलेटर सेवा प्रदान गरिएको थियो। अति सम्वेदनशील अवस्थामा उपचार जारी रहेकै बेला दीपको आज विहान निधन भएको उहाँको परिवारजनले बताएका छन्। रेडक्रसका सक्रिय स्वयंसेवक, हाल भद्रपुर उपशाखाका सचिव, प्राथमिक उपचार स्वयंसेवकको रुपमा राष्ट्रिय स्तरमा २०७१ मा उत्कृष्ट स्वयंसेवकको रुपमा रेडक्रसको केन्द्रीय कार्यालयवाट सम्मानित दीप लिम्बूको महाप्रस्थान संगै झापा रेडक्रसलाई क्षति पुगेकोछ। समाजसेवाका साथै भद्रपुर -८ सगरमाथाचोकमा CSC कम्प्युटर इन्स्टिच्युट संचालन गर्ने दीप सगरमाथा साना व्यवसायी समिति भद्रपुर-८ को सचिव समेत हुनुहुन्थ्यो। दुवै मृगौला फेल भएपछि उहाँका पिताले दिएको मृगौला बोकेर उहाँ समाजसेवामा जुटिरहनु हुन्थ्यो। स्व. दीपको बुवा, आमा, पत्नी र दुई नाबालक छोरा छन्। Post Views: 316 Post navigation भद्रपुर जेसीजको साताव्यापी कार्यक्रम समापन/तीन महिने विद्युत जडान तालिम शुरू दूर्व्यसन विरुद्ध सचेतना कार्यक्रम
झापाको भद्रपुरमा आदिवासी राष्ट्रिय उत्थान प्रतिष्ठानद्वारा प्रकाशित तथा आदिवासी राजवंशी समुदायका विद्वान अग्रज व्यक्तित्वहरू टेकनारायण राजवंशी लगायत रणकुमार राजवंशी, पानीलाल राजवंशी, लखनलाल राजवंशी, दलसिंह राजवंशी,पवन राजवंशी ,पामर राजवंशी र कमलप्रसाद राजवंशीले लेखेको पुस्तक र ‘ कोच राजवंशी जातिको चिनारी ‘ र पानीलाल राजवंशीद्वारा सङ्कलित र सम्पादित पुस्तक ‘ राजवंशी नेपाली शब्द संग्रह’को कार्यक्रमका प्रमुख अतिथि कोशी प्रदेशका भौतिक पूर्वाधार विकास राज्य मन्त्री भूमिप्रसाद राजवंशीबाट विमोचन र लेखक-सम्पादकलाई सम्मान। रासविस.का झापा अध्यक्ष उत्तमकुमार राजवंशीको अध्यक्षतामा शनिवार भएको विमोचन तथा सम्मान कार्यक्रममा प्रमुख अतिथि राज्य मन्त्री राजवंशी, प्रदेश सांसद निमसरी राजवंशी, भद्रपुर नगर पालिकाका नगरप्रमुख गणेश पाेखरेल, रासविस.का केन्द्रीय अध्यक्ष सुमन्तकुमार राजवंशी,आदिवासी जनजाति राष्ट्रिय प्रतिष्ठानका सदस्य सचिव कमल राजवंशी,वडा अध्यक्ष रतिया राजवंशी, पुनम राजवंशी,राजवंशी युवा मञ्च भद्रपुरका नगर अध्यक्ष अजय राजवंशी तथा पुस्तकका लेखक र सम्पादकले पनि मन्तव्य राखेका थिए।रासविस.झापाका उपाध्यक्ष जीतलाल राजवंशीले स्वागत मन्तव्य राखेको कार्यक्रमको सञ्चालन सोहनलाल राजवंशीले गर्नुभएको थियो । ३ कार्तिक २०८१, शनिबार २०:४५
राजवंशी जाति सम्बन्धी दुई कृतिको भद्रपुरमा विमोचन,लेखक र सम्पादकलाई सम्मान ३ कार्तिक २०८१, शनिबार १७:५९