मारवाडी भाषाको पहिलो एकल कविता वाचन भद्रपुरमा हुँदै

भद्रपुर ७,माघ / यही माघ १२ गते भद्रपुरमा मारवाडी भाषाका साहित्यकार सत्यनारायण तायलको एकल कविता वाचन हुने भएकाे छ। डाइनामिक ग्रुप नेपालको सातौं बार्षिकोत्सवको अवसरमा कविता वाचनसहित विविध सांस्कृतिक कार्यक्रम पनि प्रस्तुत गरिने आयोजकले जनाएका छन्।
मारवाडी समुदायको प्रतिनिधित्व गर्दै झापाका प्रायः साहित्यिक कार्यक्रमहरूमा सक्रियतापूर्वक कविता वाचन गर्न पुग्ने उहाँ भद्रपुर – ५ को स्थायीबासी हुनुहुन्छ। मारवाडी भाषामा एकल कविता वाचन गर्ने उहाँ मारवाडी समुदायको सम्भवतः पहिलो कवि हुनु हुनेछ।

पेसाले उद्योगी भएपनि साहित्य र समाजसेवामा रूचि राख्नुहुने उहाँले आफ्ना कविताहरूको संकलन गरेर कविता संग्रह प्रकाशन गर्ने लक्ष्य रहेको साप्ताहिक समाचारलाई जनाउनुभएको छ।तायलका ५० वटा जति मारवाडी भाषाका कविता छन्।