• Mon. Jul 22nd, 2024

भारतको१५औँ राष्ट्रपतिमा द्रौपदी मुर्मू निर्वाचित

BySaptahik Samachar

५ श्रावण २०७९, बिहीबार २१:१४ ५ श्रावण २०७९, बिहीबार २१:१४ ५ श्रावण २०७९, बिहीबार २१:१४

काठमाडौँ — भारतको १५औं राष्ट्रपतिमा भारतको आदिवासी समुदायबाट पहिलो व्यक्ति द्रौपदी मुर्मू निर्वाचित हुनुभएको छ। भारतको सर्वोच्च संवैधानिक पदमा पुग्ने उहाँ दोस्रो महिला हुनुहुन्छ ।
सत्तारुढ भारतीय जनता पार्टी नेतृत्वको एनडीए गठबन्धनले पूर्वराज्यपाल मुर्मूलाई उम्मेदवार बनाएको थियो । मुर्मूले कांग्रेस सहितको विपक्षी दलले राष्ट्रपतिमा अघि सारेको तृणमुल कांग्रेसमा रहेका पूर्वभाजपा नेता यशवंत सिन्हालाई भारी मतान्तरले पराजित गर्दै राष्ट्रपति चुनिनुभएको हो । जितका लागि ५ लाख ४३ हजार २ सय १६ मतमूल्य चाहिएकोमा उहाँले ५ लाख ७७ हजार ७७ सय ७७ मतमूल्य प्राप्त गरी विजयी हुनु भएको हो।
भाजपाले आदिवासी समुदायबाट त्यसमाथि महिलालाई अघि सारेपछि विपक्षी दलहरुलाई अप्ठ्यारो परेको थियो ।

भारतको संवैधानिक प्रावधानअनुसार केन्द्रीय सांसद र विधानसभा सदस्यहरुको कुल मत मूल्य १० लाख ८६ हजार ४ सय ३१ को ५० प्रतिशत कटाउने उम्मेदवार विजयी हुन्छन् । मुर्मूले ७२ प्रतिशत मत प्राप्त गर्नुभयो। उहाँका प्रतिद्वन्द्वी सिन्हाले २ लाख ६१ हजार ६२ मत मूल्य प्राप्त गर्नुभयो ।

आगामी २५ जुलाईमा सर्वोच्च अदालतका मुख्यन्यायाधीशबाट उहाँको शपथ ग्रहण हुनेछ । भाजपाले यसअघि दलित समुदायकै कोविंद र त्यसअघि अटल बिहारी बाजपेयीको समयमा चर्चित वैज्ञानिक अब्दुल कलामलाई राष्ट्रपति बनाएको थियो ।

2 thoughts on “भारतको१५औँ राष्ट्रपतिमा द्रौपदी मुर्मू निर्वाचित”

Leave a Reply

Your email address will not be published. Required fields are marked *