पुस २५ गतेबाट मेची रंगशालामा जारी प्रथम उपमेयर कप महिला भलिबल प्रतियोगिता-२०७८ को फाईनल खेल तथा पुरष्कार बितरण समारोह तालिका अनुसार नै राष्ट्रिय एकता दिवसको दिन आजै सम्पन्न भएको हो।
मेची रंगशालामा नगर खेलकुद बिकास समिति भद्रपुरका अध्यक्ष श्यामकुमार राउतको अध्यक्षता तथा नगर प्रमुख जीवनकुमार श्रेष्ठ ,उपप्रमुख चन्द्रमाया श्रेष्ठ लगायत जनप्रतिनिधि र खेल प्रेमीहरूको उपस्थितिमा विजेता-उपविजेतालाई पुरस्कृत गरिएको थियो ।
नगर नृत्य शिक्षक कृति राईले संचालन गरेको भलिबल प्रतियोगिताको समापन कार्यक्रममा स्वागत मन्तब्य नगर खेलकुद बिकास समितिका ओसदस्य गोपालप्रसाद मैनालीले गर्नुभएको थियो भने नगर प्रमुख श्रेष्ठ र उपप्रमुख श्रेष्ठले विजेता -उपविजेतालाई शुभकामना तथा बधाई ज्ञापन गर्नुभएको थियो।