भद्रपुर- ८ स्थित श्रीकृष्ण प्रणामी सत्सङ्ग सेवा परिषद्को भवनमा आयोजित कार्यक्रममा गुरु जगतानन्द महाराज, भद्रपुर नगरपालिका प्रमुख गणेश पोखरेल र उपप्रमुख राधा कार्कीले संयुक्त रुपमा ‘श्रीकृष्ण रहस्य’ पुस्तकको विमोचन गर्नुभएको हो ।
पुस्तकका लेखक घिमिरेको जन्म वि. सं. १९९० चैत ९ गते र निधन वि. स. २०७८ जेठ १६ गते भएको थियो । पेसाले शिक्षक समेत रहेका उहाँले लेखेको सो पुस्तकको सम्पादन हरि मञ्जुश्री र डिल्लीराम निरौलाले गर्नुभएको हो।
पुस्तकको प्रकाशनको व्यवस्थापन छोराहरू गम्भीर घिमिरे, लीला घिमिरे र हिमाली निरौलाले गर्दै बुबाको वार्षिक पुण्य तिथिको अवसरमा पुस्तक विमोचन गरिएको छोरा लीला घिमिरेले जानकारी दिनुभयो ।
जेठो छोरा गम्भीरको अध्यक्षता तथा गुरु जगतानन्द महाराजको प्रमुख आतिथ्यमा भएको कार्यक्रममा भद्रपुरका प्रमुख पोखरेल, उपप्रमुख कार्की, चरणप्रसाद ढुङ्गाना, वेणुप्रसाद सिटौला, डिल्लीराम निरौला लगायतले शुभकामना मन्तव्य राख्नुभएको थियो । स्वागत मन्तव्य देवु घिमिरेले राखेको कार्यक्रमको सञ्चालन खगेन्द्र चौलागाँईले गर्नुभएको थियो ।