• Sat. Feb 24th, 2024

भद्रपुरमा दुषित पानी वितरण, संस्थान गैरजिम्मेवार /दुषित पानीले बच्चाहरू विरामी

BySaptahik Samachar

३ श्रावण २०७९, मंगलवार १५:४८ ३ श्रावण २०७९, मंगलवार १५:४८ ३ श्रावण २०७९, मंगलवार १५:४८

भद्रपुर ३,साउन / भद्रपुरमा खानेपानीको धाराबाट फोहर पानी आउने गरेको छ। नेपाल खानेपानी संस्थानको भद्रपुर – ८ सगरमाथास्थित पानी ट्याङ्कीबाट वितरण हुने पानीमा सादा आँखाले देखिने गरी फोहोर मैलायुक्त पानी वितरण भइरहेको हो।
परीक्षण नगरी सामान्य आँखाले हेर्दा नै फोहोर पानी धाराबाट आउने गरेको स्थानीय उपभोक्ताले संस्थानको भद्रपुर कार्यालयमा जानकारी गराउँदा पनि सुनुवाइ नभएको गुनासो नागरिक एफ एम समक्ष पनि पटक पटक गरेका छन्। भद्रपुर – ८ कै प्राज्ञ टोलका केही घरमा धाराबाट दुषित पानी वितरण भयो भनेर स्थानीय उपभोक्ता रिमा पाण्डेले गुनासो गरे पनि त्यसप्रति संस्थान गम्भीर नभएको उहाँको आरोप छ। दुषित र सादा आँखाले हेर्दा नै मैलो धमिलो पानी धाराबाट आए पछि त्यो पानी महिनौ अघिदेखि खान पिउन छोडेर सम्बन्धित निकायमा जानकारी गराएर ट्युबवेलको पानी फिल्टर गरेर खान बाध्य भएका छौँ उहाँले भन्नुभयो ।
भद्रपुरमा वितरण भएको पानीको बारेमा सामाजिक सञ्जालमा पनि विभिन्न टिका टिप्पणीहरू गरिएको छ। भद्रपुरका मोहित शर्मा, तारा मैनाली, राजा मण्डल लगायत सचेत नागरिकले सम्बन्धित कार्यालय र त्यहाँका जिम्मेवार व्यक्तिको आँखा खुलोस् भनेर धाराबाट आएको मैलो, धमिलो र दुषित पानीनै धाराबाट खसेको सार्वजनिक गर्दै फेसबुकमा पोष्ट गर्नुभएको छ। तर, त्यसको समाधान तर्फ उनीहरूले चासो नदिएको गुनासो यथावत छ।
यता मौसम परिवर्तन र असाधारण गर्मी अनि छिन् छिनमा आउने झरीका बीच दुषित पानीको सेवनले गर्दा बालबच्चाहरू बिरामी पर्ने क्रम बढेको छ। अहिले स्थानीय अस्पतालमा बिरामी बच्चाको चाप बढेको छ। बच्चाहरूमा रूघा खोकी र उच्च ज्वरोका संक्रमण देखिएकोले बच्चा राख्ने बेडनै भरिएको मेची अस्पताल का बाल रोग चिकित्सक रविन रेग्मीले जानकारी दिनुभएको छ।
भद्रपुरमा बच्चा बिरामी बढ्नुको कारण दुषित पानी नै रहेको भनेर उपभोक्ताले खानेपानी माथि आक्षेप लगाउँदासम्म पनि जनप्रतिनिधि किन गम्भीर नभएको भनेर उपभोक्ता पाण्डेले खानेपानी जस्तो सम्वेदनशील बिषयमा भएको लापर्वाहीप्रति गम्भीर बन्न आक्रोशपूर्ण चेतावनी दिनुभएको

Leave a Reply

Your email address will not be published. Required fields are marked *