नेपाल रेडक्रस सोसाइटी भद्रपुरको रक्त सञ्चार सेवा केन्द्रमा आयोजना गरिएको रक्तदान कार्यक्रमको उद्घाटन भद्रपुर नगरपालिकाका प्रमुख जीवनकुमार श्रेष्ठले गर्नुभएको थियो। कार्यक्रममा प्रमुख अतिथि श्रेष्ठ र भद्रपुर रेडक्रसका सभापति गोपाल गिरीले रक्तदान जस्तो महत्वपूर्ण कार्य गरेकोमा संस्थाको प्रशंसा गर्नुभयो।
सहकारीका अध्यक्ष टिकाराम पाण्डेको अध्यक्षतामा भएको कार्यक्रममा स्वागत मन्तव्य विष्णु खरेलले र कार्यक्रम सञ्चालन फडिन्द्र वोहोराले गर्नुभएको थियो। रक्तदान कार्यक्रममा ११ पिन्ट रगत संकलन भएको रक्त संचार केन्द्र भद्रपुरले जनाएको छ।