पोखरेल वंश प्रतिष्ठानद्वारा नगर प्रमुख पोखरेलको सम्मान

भद्रपुर २३,जेठ /पानी पोखरेल वंश प्रतिष्ठान भद्रपुर नगर समितिकाे आयाेजनामा प्रतिष्ठानको भद्रपुर नगर स्तरीय गोठ धुप पूजा सम्पन्न भएको छ।
प्रतिष्ठानका केन्द्रीय अध्यक्ष प्रेमप्रकाश फलाहारी पोखरेलको प्रमुख आतिथ्य र नगर सचिव बाबुराम पोखरेलको अध्यक्षतामा भएको कार्यक्रममा भद्रपुर नगरपालिकाका नव निर्वाचित नगर प्रमुख गणेश पोखरेल, झापा जिल्लाका प्रहरी उपरीक्षक विश्वमणि पोखरेल तथा भद्रपुर वडा नम्बर ९ र १० मा वडा सदस्यमा निर्वाचित मञ्जु पोखरेल र तुलसीप्रसाद पोखरेललाई सम्मान गरिएको थियो।
कार्यक्रममा प्रमुख अतिथि फलाहारी,सम्मानित व्यक्तित्व भद्रपुर नगर प्रमुख गणेश पोखरेल र प्रतिष्ठानका केन्द्रीय महासचिव हिराप्रसाद पोखरेलले मन्तव्य राख्नुभएको थियो।
वंश प्रतिष्ठान भद्रपुर नगर समितिका सहसचिव लावण्यकुमार पोखरेलले सञ्चालन गरेको कार्यक्रममा स्वागत मन्तव्य घरमूली मुरारी पोखरेलले राख्नुभएको थियो।