• Sun. Jul 21st, 2024

नेपाल वारको निर्वाचनः गठबन्धनका उम्मेद्वार लगभग नौसय मतले अगाडि

BySaptahik Samachar

२३ चैत्र २०७८, बुधबार २१:३३ २३ चैत्र २०७८, बुधबार २१:३३ २३ चैत्र २०७८, बुधबार २१:३३

भद्रपुर २३,चैत्र / नेपाल बार एसोसिएसनको केन्द्रीय कार्यसमिति निर्वाचनको मतगणना जारी छ । हालसम्मको मत परिणामअनुसार अध्यक्षका प्रत्यासी गोपालकृष्ण घिमिरे ८ सय ८६ मतले अगाडि हुनुहुन्छ । आज बुधबार साँझसम्मको मतगणना अनुसार गठबन्धनबाट अध्यक्षका प्रत्यासी बनेका गोपालकृष्ण घिमिरेले एक हजार नौसय ९० मत प्राप्त गर्नु भएको छ।
प्रगतिशील समूहबाट उम्मेदवारी दिनु भएका विष्णुमणि अधिकारीले एक हजार ४ मत पाउनुभएको छ।त्यसैगरी, उपाध्यक्ष पदका उम्मेदवार मध्ये झापा भद्रपुरका अधिवक्ता सुरज खत्रीले एक हजार नौ सय ९८ र उहाँका प्रतिद्वन्द्वी रोहित डाँगीले एक हजार ५९ मत पाउनुभएको छ। अहिलेसम्मको गणनामा उपाध्यक्षका उम्मेदवार डाँगीलाई खत्रीले नौ सय ३९ मतले पछि पार्नुभएको छ। त्यस्तै, महासचिवका उम्मेदवार अन्जिता खनालको एक हजार सात सय ६५ आउँदा प्रतिष्पर्धी केदार कोइरालाको एक हजार एक सय ७५ र कोषाध्यक्षमा भरतवहादुर राउतको एक हजार नौ सय २८ प्रतिष्पर्धी जगतवहादुर कार्कीलाई एक हजार ६६ मत प्राप्त भएको वारको मतगणना स्रोतले जानकारी दिएको छ।
नेपाल वार एशोसिएसनको निर्वाचनमा करिब ७ हजार ४ सय मत खसेको थियो । अध्यक्ष पदमा निर्वाचित हुन करिब ३ हजार ७ सय मत ल्याउनु जरुरी छ ।अहिलेसम्म गणना भएको लगभग आधा मतसंख्यामा नौ सय देखि हजार मतले गठबन्धनका उम्मेदवार अगाडि देखिएका छन्। हिजो विहानदेखि शुरू भएको मतगणनामा अहिले सम्म तीन हजार एक सय मत गणना भएको छ।मत गणना भोलि बिहान ९ बजेबाट पुनः शुरू हुने जनाइएको छ।

3 thoughts on “नेपाल वारको निर्वाचनः गठबन्धनका उम्मेद्वार लगभग नौसय मतले अगाडि”

Leave a Reply

Your email address will not be published. Required fields are marked *