भद्रपुर २१,कात्तिक /शुध्द,सात्विक, पवित्रता र निष्ठाको ब्रत छठ पर्वमा ब्रत बस्ने महिलाहरूका लागि दाता समाजसेवीको सहयोगमा सामुदायिक प्रहरी सेवा केन्द्र भद्रपुरले साडी वितरण गरेको छ।
सामाजिक व्यक्तित्व स्व.परशुराम अग्रवालका छोरा-वुहारी नितेश /हर्षा अग्रवालले भद्रपुर नगरपालिकाको सभाकक्षमा आज आयोजित एक कार्यक्रममा ब्रतको तयारीमा रहेका ७० जना महिलाहरूलाई साडी वितरण गरेका हुन्।
भद्रपुर नगरपालिकाका प्रमुख जीवनकुमार श्रेष्ठको प्रमुख आतिथ्य र सामुदायिक प्रहरी सेवा केन्द्रकी अध्यक्ष शीला खड्काको अध्यक्षतामा भएको कार्यक्रममा उपप्रमुख चन्द्रमाया श्रेष्ठ तथा इन्स्पेक्टरद्वय दलकुमार राई र बिभुराज दहाल,बिक्रम वाग्ले,दाता नितेश र हर्षा अग्रवालले साडी हस्तान्तरण गर्नुभएको हो।
सामुदायिक प्रहरी सेवा केन्द्र भद्रपुरको संयोजनमा भएको कार्यक्रममा सेवा केन्द्रका महासचिव दिपक अधिकारीले उद्घोषण र स्वागत कोषाध्यक्ष रिता सुबेदीले गर्नुभएको थियो।
