• Wed. May 14th, 2025
Top Tags
होमपेज

चन्द्रगढी सामुदायिक वन समूहको मिश्रित नतिजा /अध्यक्षमा भट्टराई निर्वाचित

BySaptahik Samachar

१ मंसिर २०७८, बुधबार ०७:५७ १ मंसिर २०७८, बुधबार ०७:५७ १ मंसिर २०७८, बुधबार ०७:५७
भद्रपुर ,१ मंसिर । झापा सदरमुकाम चन्द्रगढीमा रहेको चन्द्रगढी सामुदायिक वनको अध्यक्षमा लोकतान्त्रिक समावेशी समूहका दुर्गाप्रसाद भट्टराई निर्वाचित हुनुभएको छ । भट्टराईले राष्ट्रवादी प्रगतिशील समूहका चुडामणि मैनालीलाई पराजित गर्नुभएको हो ।
भट्टराईले ९ सय ७५ मत ल्याउँदा प्रतिस्पर्धी मैनालीले ८ सय ३६ मत प्राप्त गर्नुभयो । मिश्रित परिणाम आएको वन समूहको निर्वाचनमा उपाध्यक्ष पदमा प्रगतिशील राष्ट्रवादी समूहका गोकुल ढकालले ८ सय ९६ मत प्राप्त गर्दै भट्टराई प्यानलका सालिकराम नेपाललाई पराजित गर्नुभएको हो । नेपालले ७ सय ९९ मत प्राप्त गर्नु भएको थियो ।
त्यसैगरी, सचिवमा लोकतान्त्रिक समूहकी पार्वती मल्ल, सहसचिवमा इश्वरीप्रसाद रिजाल, कोषाध्यक्षमा अनुज खतिवडा, आदिवासी सदस्यमा कान्टु राजवंशी, जनजाति सदस्यमा वालकुमार राई, दलित सदस्य मा लालवहादुर चहार र अपांग सदस्यमा ध्रुव सुवेदी विजयी हुनुभएको छ ।
निर्वाचन समितिका सदस्य राजु वरालका अनुसार क्षेत्रीय संयोजकहरुमा दुई नं. मा रमेश न्यौपाने, ३ नं. ताराप्रसाद चम्लागाईं, ४ नं. जागेश्वर राजवंशी, ५ नं. तोयानाथ वास्तोला, ६ नं. युवराज दाहाल र ९ नं. मा केशवप्रसाद खतिवडा विजयी वन्नु भएको छ ।
त्यसैगरी, महिला सदस्यहरुमा क्रमशः चित्रकला गिरी, सकुन्तला चौधरी, फिटिंग राजवंशी, लक्ष्मी आचार्य, मन्जु खतिवडा अधिकारी र कमला शिवाकोटी विजयी हुनुभएको निर्वाचन समितिले जनाएको छ । २२ सय ९० मतदाता रहेको वन समूहको निर्वाचनमा १ हजार ९ सय १८ मत खसेको थियो । कार्यसमितिको कार्यकाल ४ वर्षको रहने जनाइएको छ ।
Post Views: 522

Related Post

होमपेज
मेची क्याम्पसको नवनिर्मित मैदानमा शुक्रबारबाट क्रिकेट खेल शुरू / तीन दिवसीय अन्तर्राष्ट्रिय मैत्रीपूर्ण खेल हुँदै
२६ बैशाख २०८२, शुक्रबार १७:५८ Saptahik Samachar
होमपेज
भद्रपुरस्थित मेची बहुमुखी क्याम्पसको क्रिकेट मैदान MCG.मा आजबाट अभ्यास खेल शुरू
२६ बैशाख २०८२, शुक्रबार ०६:२२ Saptahik Samachar
होमपेज
२५ बैशाख २०८२, बिहीबार २०:१० Saptahik Samachar
76 thoughts on “चन्द्रगढी सामुदायिक वन समूहको मिश्रित नतिजा /अध्यक्षमा भट्टराई निर्वाचित”

Leave a Reply

Your email address will not be published. Required fields are marked *

You missed

होमपेज
होमपेज
होमपेज
होमपेज