• Thu. May 23rd, 2024

एमरेल्ड भद्रपुरमा युवा रेडक्रस सर्कल पुनर्गठन

BySaptahik Samachar

३० श्रावण २०८०, मंगलवार २०:३७ ३० श्रावण २०८०, मंगलवार २०:३७ ३० श्रावण २०८०, मंगलवार २०:३७

भद्रपुर / नेपाल रेडक्रस सोसाइटी भद्रपुर उपशाखाले विद्यालय स्तरमा जुनियर तथा युवा रेडक्रस सर्कल गठन गर्ने क्रममा एमरेल्ड एकाडेमी भद्रपुरमा युवा रेडक्रस सर्कल गठन गरेको छ। कक्षा – ११ का विद्यार्थी नवीन तिमल्सिनाको अध्यक्षतामा मंगलबार ११ सदस्यीय युवा रेडक्रस सर्कल पुनर्गठन गरिएको हो।
समितिको उपाध्यक्षमा पुष्पा दाहाल, सचिव-आरजु गिरी, कोषाध्यक्ष-निकीमा थापा र उप सचिवमा विशाल मुखिया हुनुहुन्छ। सर्वसम्मत गठित समितिमा सौरभ भट्टराई, सजल खत्री, सतिस यादव, उत्साही कर्ण, रियान्स गोयल र कुन्साङ तामाङ सदस्यमा हुनुहुन्छ।
नेपाल रेडक्रस सोसाइटी भद्रपुर उपशाखाका सचिव केदार महत समेत उपस्थित रहेको भेलाले शिक्षक नायकमा मनकुमार अधिकारीलाई तय गरेको छ भने विद्यालयका प्रिन्सिपल जुनियर /युवा रेडक्रस सर्कलको पदेन संरक्षक रहने व्यवस्था अनुसार संरक्षकमा प्रिन्सिपल दिगम्बरराज अधिकारी हुनुहुन्छ।
नवीन तिमल्सिनाको अध्यक्षता तथा रेडक्रस उपशाखा भद्रपुरका सभापति गोपाल गिरीको प्रमुख आतिथ्यमा सम्पन्न भेलामा भद्रपुर ७ का निवर्तमान वडाध्यक्ष तथा बालमैत्री चेम्पेन विनोदप्रसाद पोखरेल लगायतले शुभकामना मन्तव्य राख्दै बाल बालिकालाई मानव सेवामा प्रवेश गराउन जुनियर रेडक्रस सफल हुने धारणा राख्नुभएको थियो ।
रेडक्रस भद्रपुरले सेन्ट कुजुर र पृथ्वी आधारभूत विद्यालयमा यस अघि नै युवा रेडक्रस सर्कल पुनर्गठन गरिसकेको रेडक्रस भद्रपुरका सचिव केदार महतले जानकारी दिनुभयो।

Leave a Reply

Your email address will not be published. Required fields are marked *