पंकज उदास र भक्तराज आचार्य
भारतीय गायक तथा नेपाली गायक
![](https://saptahiksamachar.com.np/wp-content/uploads/2024/02/Screenshot_20240226_200409.jpg)
![](https://saptahiksamachar.com.np/wp-content/uploads/2024/02/Screenshot_20240226_194722.jpg)
भद्रपुर १४,फागुन / भजन शिरोमणि वरिष्ठ गायक तथा संगीतकार भक्तराज आचार्यको निधन भएको छ । सोमबार अपरान्ह ललितपुरको मेडिसिटी अस्पतालमा उहाँको निधन भएको संगीतकार चेतन सापकोटाले जानकारी दिनुभयो ।
आचार्यको ८२ वर्षको उमेरमा निधन भएको हो । आचार्य बिगत लामो समयदेखि विमारी हुनुहुन्थ्यो। आचार्यले झण्डै ४ सय गीतमा स्वर तथा संगीत दिनुभएको छ। स्वरसम्राट नारायणगोपालका समकालीन गायक उहाँको जन्म विसं १९९९ सालमा धनकुटामा भएको हो ।
नेपाली सुगम संगीतमा उहाँको विशिष्ट स्थान छ । आचार्यका मुटु जलिरहेछ, जति चोट दिन्छौ, जहाँ छन् बुद्धका आँखा, हजार सपनाहरुको, माया मेरी साँझ बिहान, हजार आँखा हेर्ने लगायत गीत लोकप्रिय छन् ।
आचार्यको पार्थिव शरीरलाई मंगलबार बिहान ९ बजे संगीत तथा नाट्य प्रज्ञा प्रतिष्ठानको परिसरमा अन्तिम श्रद्धाञ्जलीका लागि राखिने पारिवारिक स्रोतले जानकारी दिएको छ ।
त्यस्तै भारतका चर्चित गजल गायक पंकज उदासको पनि निधन भएको छ । लामो समयदेखि बिरामी रहेका उदासको सोमबार नै निधन भएको उनकी छोरी नायाब उदासले सामाजिक सञ्जालमार्फत जानकारी दिएकी छिन् । पंकज उदास ७३ वर्षका थिए ।
बुवाको मृत्युको पुष्टि गर्दै नायाबले लेखेकी छिन्, ‘निकै दुःखका साथ तपाईंहरूलाई यो खबर सुनाउँदै छौँ कि पद्मश्री पंकज उदासको २६ फेब्रुअरी २०२४ मा निधन भएको छ । उहाँ लामो समयदेखि बिरामी हुनुहुन्थ्यो ।’
इन्डियन एक्सप्रेसका अनुसार पंकज उदासको सोमबार बिहान ११ बजेतिर ब्रिच क्यान्डी अस्पतालमा निधन भएको हो । उदासका ‘चिठ्ठी आयी है’(नाम), ‘ना कजरे की धार’(मोहरा), ‘चाँदी जैसा रंग’, ‘एक तरफ उसका घर’, ‘जिये तो जिये कैसे’, ‘तेरे बिना जिना’ र ‘अहिस्ता’ चर्चित गीतहरू छन् । पंकज उदासका श्रीमती फरिदा उदास तथा छोरीहरू नायाब र रेभा छन् ।
Thank you for your sharing. I am worried that I lack creative ideas. It is your article that makes me full of hope. Thank you. But, I have a question, can you help me?