शुभकामना आदानप्रदानः भद्रपुरमा कोठे कवि गोष्ठी

भद्रपुर १९,असोज / कवि राजेश ढुङ्गानाको आयोजनामा आज भद्रपुरमा कोठे कवि गोष्ठी सम्पन्न भएको छ।बडा दशैँको अवसरमा शुभकामना आदानप्रदान गर्ने उद्देश्यले आयोजित संक्षिप्त कार्यक्रममा उपस्थित भद्रपुरका कवि साहित्यकारहरूले आ-आफ्ना रचना सुनाएर केहीवेर त्यहाँ साहित्यिक माहोल सिर्जना गरेका थिए।

   साहित्यकार नमुना निरौलाको प्रमुख आतिथ्य र आयोजक ढुङ्गानाकी धर्म पत्नी साहित्य पारखी मिना पाण्डे-ढुङ्गानाको अध्यक्षतामा भएको कार्यक्रममा कवि साहित्यकारहरूले गीत,मुक्तक र कविताहरू पाठ गरेका थिए।
पत्रकारहरू समेत उपस्थित संक्षिप्त एबं रोचक कार्यक्रममा बांग्ला,मारवाडी र नेपाली भाषाका कवि,कलाकारहरूले गीत तथा गद्य र पद्य कविताहरू प्रस्तुत गरेका थिए ।