![](https://saptahiksamachar.com.np/wp-content/uploads/2023/02/Screenshot_२०२३०२०३_२१०१२७-1024x982.jpg)
काठमाडौं । आगामी फागुन १९ गतेदेखि शुरु हुने शहीद स्मारक ए डिभिजन लिग फुटबलको विजेताले ७५ लाख रुपैयाँ पाउने भएका छन् । त्यस्तै उपविजेता क्लबले ५० लाख र तेस्रो हुने टिमले २५ लाख रुपैयाँ पाउने छ । फेयर प्लेले तीन लाख पाउने छ ।
आयोजक अखिल नेपाल फुटबल संघ एन्फाले सहभागी १४ वटै क्लबलाई तयारीका लागि पहिलो किस्ता स्वरुप प्रति क्लब १५ लाख रुपैयाँ उपलब्ध गराइसकेको जनाएको छ ।
एन्फाले पाँचौं चरणसम्मको खेल तालिकासमेत सार्वजनिक गरिसकेको छ । हरेक खेलको विजेताले ५० हजार रुपैयाँ पाउने छन् । लिग संचालन गर्न १२ करोड रुपैयाँ लागत लाग्ने अनुमान एन्फाको रहेको एन्फा प्रवक्ता सुरेश शाहले प्रेस विज्ञप्ति जारी गरी जनाउनुभएको छ ।