राजश्व विभागका महानिर्देशकलाई सम्मान

भद्रपुर २३,चैत /आन्तरिक राजश्व विभागका महानिर्देशक मदन दाहालको सम्मान तथा २०८२/०८३ को बजेट पूर्वको अन्तरक्रिया कार्यक्रम विर्तामोडमा गरिएको छ ।

नेपाल चार्टर एकाउन्टेन्ट संघ, झापाको आयोजनामा आज भएको अन्तरक्रिया कार्यक्रमको प्रमुख अतिथि महानिर्देशक दाहाल हुनुहुन्थ्यो ।
   चार्टर एकाउन्टेट संघका झापा अध्यक्ष शुशीलकुमार अग्रवालको अध्यक्षतामा भएको कार्यक्रममा दाहाललाई दोसल्ला सहित सम्मान-पत्र प्रदान गरिएको थियो । झापा, भद्रपुर निवासी दाहाललाई चार्टर एकाउन्टेन्ट संघ वाहेक अन्य संघ संस्थाहरुले पनि सम्मान गरेका थिए।
   कार्यक्रममा, अडिटर एशोसिएशनका झापा अध्यक्ष परशुराम वुढाथोकीले स्वागत मन्तव्य राख्नुभएको थियो । स्वागत तथा सम्मान कार्यक्रममा नेपाल उद्योग वाणिज्य महासंघ, कोसी प्रदेशका निवर्तमान अध्यक्ष टीकाराज ढकाल, चार्टर एकाउन्टेन्ट संघका केन्द्रीय अध्यक्ष अरुण राउत र प्रमुख अतिथि दाहालले राजश्व नीति, समस्या र उपायका बारेमा प्रकाश पार्नु भएको थियो ।

णसम्मान पछि आयोजित अन्तरक्रियामा, विभागका महा निर्देशक दाहाल, संघका केन्द्रीय अध्यक्ष राउत, राजश्व विज्ञ शैलेश उप्रेती, उद्योग वाणिज्य महासंघका केन्द्रीय सदस्य उमेश डालमिया र उद्यमी-व्यवसायी ओम विमलीले छलफल गरेका थिए। सो छलफल‌को सहजीकरण चार्टर एकाउन्टेन्ट संघ की महासचिव सन्जिता नेपालले गर्नुभएको थियो ।