भद्रपुर १३, साउन / झापाको साविक पृथ्वीनगर–९ र ‘ भद्रपुर–१ घर भएका पुराना कम्युनिष्ट योद्धा हरि अधिकारीको ९१ वर्षमा निधन भएको छ ।
यही साउन १ गते मस्तिष्क पक्षाघातबाट थलिएका अधिकारीको साउन १२ गते भद्रपुरस्थित प्रादेशिक अस्पतालमा उपचारकै क्रममा निधन भएको एमाले नेता शिवकुमार राजभण्डारीले बताउनु भएको । हो।
साविक पृथ्वीनगर गाउँ पञ्चायतमा २०४३ सालमा जनपक्षीय उम्मेदवार बनेर उपप्रधानपञ्च पदमा चुनिनु भएको उहाँ २०५४ सालमा एमालेका तर्फबाट गाउँ विकास समितिको अध्यक्ष निर्वाचित हुनुभएको थियो।
पार्टीको निर्देशन बमोजिम चितवनबाट राजनीतिक अभियानका क्रममा झापाको पृथ्वीनगर (तत्कालीन ‘पुनर्वास’ क्षेत्र) आउने ९ परिवारमध्ये उहाँ एक हुनुहुन्थ्यो । उहाँ एकताका एमालेको झापा जिल्ला सदस्य पनि रहनु भएको थियो । निष्ठाको राजनीति र अत्यन्तै इमान्दार चरित्रको उहाँ पछिल्लो समय सो पार्टीबाट स्वेच्छाले अलग्गिएर स्वतन्त्र वामपन्थीका रुपमा रहनु भएको थियो ।
परिवारमा उ हॉकी श्रीमती सोमा र १ छोरा करुण सहित बुहारी, नाति–नातिना रहेका छन् ।
मरणोपरान्त मेरो शरीर चिकित्सा शास्त्रका विद्यार्थीहरूको अनुसन्धानका लागि दिनू’ भन्ने अधिकारीकैे इच्छाअनुसार उहाँको पार्थिव शरीर बीपी कोइराला स्वास्थ्य विज्ञान प्रतिष्ठान, धरानबाट आएको टोलीलाई हस्तान्तरण गरिएको परिवारजनले बताए । अधिकारी परिवारले कुशको शव बनाएर उनको अन्त्येष्टि–विधि गरेका थिए ।