• Mon. Dec 1st, 2025

मेची बहुमुखी क्याम्पसको प्रमुखमा आचार्य नियुक्त

BySaptahik Samachar

२९ पुष २०८१, सोमबार ०८:४७ २९ पुष २०८१, सोमबार ०८:४७ २९ पुष २०८१, सोमबार ०८:४७

भद्रपुर २९,पुस / त्रिभुवन विश्वविद्यालयबाट स्वायत्तता प्राप्त भद्रपुरको मेची बहुमुखी क्याम्पसको क्याम्पस प्रमुखमा देवीप्रसाद आचार्य नियुक्त हुनुभएको छ। मेची वहुमुखी क्याम्पसका सह प्राध्यापक आचार्यलाई ४ वर्षे कार्यकालका लागि त्रिभुवन विश्वविद्यालयले क्याम्पस प्रमुखमा नियुक्त गरेको हो।

स्वायत्तता प्राप्त क्याम्पसहरूमा त्रिविको रेक्टर कार्यालयले प्रत्यक्ष नियुक्ती नगरेर क्याम्पसमा गठन भएको सर्च कमिटीको सिफारिसमा प्रमुख नियुक्त गर्ने प्रावधान छ। सर्च कमिटीले पनि ‘ त्रिभुवन विश्वविद्यालयको सावधिक पदमा नियुक्तिका आधार र मापदण्ड सम्बन्धी विनियम-२०८१’ अनुसार सिफारिस गर्छ ।

सो आधारमा मेची क्याम्पस व्यवस्थापन समितिले  गठन गरेको सर्च कमिटीले निवर्तमान क्याम्पस प्रमुख जीवनकुमार पोखरेल, देवीप्रसाद आचार्य र भानुकुमार भट्टराईलाई सिफारिस गरेको थियो। नव नियुक्त आचार्य र निवर्तमान क्याम्पस प्रमुख पोखरेल सह प्राध्यापक हुनुहुन्छ भने सिफारिस भएका अर्का भट्टराई उप प्राध्यापक हुनुहुन्छ।
सर्च कमिटीको सिफारिस सहित स्वायत्त प्रदान गरिएका क्याम्पसमा प्रमुख नियुक्त गर्ने विनियमको मापदण्आडको आधारमा आचार्यलाई नियुक्त गरिएको क्याम्पस स्रोतले जनाएको छ। क्याम्पस स्रोतका अनुसार यद्यपि, यो समाचार तयार पार्दासम्म मेची बहुमखी क्याम्पसमा त्रिविबाट आधिकारिक नियुक्ती पत्र भने आएको छैन।
यस अघिका क्याम्पस प्रमुख जीवनकुमार पोखरेलको ४ वर्षे कार्यकाल २०८० चैत्र २५ गते समाप्त भएको थियो। नयाँ नेतृत्व नियुक्त हुनु पूर्व अर्को व्यवस्था नभएसम्म क्याम्पसको व्यवस्थापकीय र प्रशासनिक जिम्मेवारी पुरा गर्ने पोखरेलल़ाई नै जिम्मेवारी प्रदान गरिएको थियो । उहाँले झन्डै १० महिना थप नेतृत्व सम्हाल्नु भयो।

117 thoughts on “मेची बहुमुखी क्याम्पसको प्रमुखमा आचार्य नियुक्त”
  1. Đến với J88, bạn sẽ được trải nghiệm dịch vụ cá cược chuyên nghiệp cùng hàng ngàn sự kiện khuyến mãi độc quyền.

Leave a Reply

Your email address will not be published. Required fields are marked *