![](https://saptahiksamachar.com.np/wp-content/uploads/2022/03/IMG_२०२२०३१९_२०५९५६.jpg)
भद्रपुर ५,चैत्र /नेपाल स्काउट, भद्रपुर नगर तदर्थ समितिको आयोजनामा भद्रपुरमा स्काउट आधारभूत तालिम शुरू भएको छ। भद्रपुर नगरपालिकाको सहयोगमा शनिबारदेखि ६ दिने ३५०औ पि.टि. सि. र ४७८औ बि. टि .सि. स्काउट आधारभूत तालिम शुरू भएको हो ।
नगर प्रमुख एवं स्काउट संरक्षक जीवनकुमार श्रेष्ठको प्रमुख आतिथ्यमा भएको उद्घाटन कार्यक्रममा सहायक राष्ट्रिय प्रशिक्षकहरु गङ्गाराम राई,प्रदेश स्काउट कार्यालयका अधिकृत नवराज घिमिरे , स्काउट लिडरहरु गगनराज भण्डारी , रिनाराज भण्डारी , शिव बहादुर पौडेल लगायत, विभिन्न स्थानीय तदर्थ समितिका संयोजकहरु एवं पदाधिकारीहरु, नगर शिक्षा शाखा प्रतिनिधिहरु, रोभर / रेन्जरहरुको उपस्थिति रहेको थियो ।
कार्यक्रमको अध्यक्षता भद्रपुर समिति संयोजक विवेक चम्लागाईले गर्नुभएको थियो। समितिका सदस्य डिल्लीराम भण्डारीले संचालन गर्नुभएको उद्घाटनका अवसरमा सदस्य भगिरथ नेपालले स्वागत मन्तव्य राख्नुभएको थियो । चैत्र १० गते समापन हुने तालिमको कोर्स लिडर सहायक राष्ट्रिय प्रशिक्षक अरुण बस्नेत र शिवानी देवान रहनुभएको छ ।