भद्रपुरका पूर्व प्रधानपन्च शर्माको निधन

भद्रपुर,१४ कार्तिक । भद्रपुर नगर पंचायतका पूर्व प्रधानपन्च रामचन्द्र शर्माको निधन भएको छ ।

काठमाण्डौको निजी निवासमा आज दिउँस उहाँको निधन भएको पारिवारिक श्रोतले जानकारी दिएको छ । दमको रोगबाट पीडित उहाँ ८५ वर्षको हुनुहुन्थ्यो ।
स्वर्गीय शर्माकी भान्जी अनिता रिजालका अनुसार, दिउँसो १२.१५ वजे अकस्मात श्वास प्रश्वासमा समस्या भएपछि तत्काल उहाँको देहान्त भएको हो ।

उहाँको आजै पशुपति आर्यघाट काठमाण्डौमा अन्तेष्टी गरिएको छ ।उहाँका दिनेश,दुर्गेश,देवेश लगायत ४ छोरा र ५ छोरी छन् ।
   स्व.शर्मा भद्रपुर नगर पञ्चायतको २०२९ सालमा भएको निर्वाचनमा उपप्रधान पञ्चमा निर्वाचित हुनु भएको थियो भने ओमप्रकाश सरावगी प्रधानपञ्चमा निर्विरोध निर्वाचित हुनुभएको थियो। सरावगी माथि मुद्दा लागे पछि उपप्रधान पञ्च शर्माले २०२९ चैत्रदेखि २०३३ सालसम्म भद्रपुर नगर पञ्चायतको कार्यवाहक प्रधानपञ्च भएर कामकाज गर्नुभएको थियो।