गौरव सुब्बा सञ्चालन अध्यक्षमा
भद्रपुर १३, साउन / भद्रपुर क्रिकेट क्लबकाे आयोजनामा भद्रपुरमा हुन गइरहेको काेशी सुपर प्रिमियर लिग (K S L.) प्रतियाेगिता सञ्चालन मुल समितिकाे संयाेजकमा गौरव सुब्बा ‘मनाेज’ चयन हुनु भएकाे छ।
मेची बहुमुखी क्याम्पसकाे क्रिकेट मैदान ( M C G.) मा आगामी षाैषकाे पहिलाे सातादेखि टी ट्वेन्टी क्रिकेट प्रतियोगिता हुन गइरहेको हो। प्रतियोगिताका लागि विभिन्न छ वटा फ्रेन्चाइज टीमहरु तयार भएको पनि संयोजक सुब्बाले जानकारी दिनुभयो। पर्यटन प्रबर्द्धन तथा खेल( क्रिकेट) र खेलाडीहरुको स्तरवृद्धि गर्ने उद्देश्यका साथ कोशी सुपर प्रिमियर लिग प्रतियाेगिता सञ्चालनका लागि काेशी प्रदेश सरकारले ५० लाख बजेट विनियोजन गरेको छ।
भद्रपुर नगरपालिका ८ नम्बर वडाका वार्ड अध्यक्ष समेत रहेका प्रतियोगिता सञ्चालन मुल समितिका संयाेजक सुब्बाका अनुसार कोशी सुपर लिग ( KS L.)-को फ्रेन्चाइज टीमहरुमा अष्ट्रेलियन नेपाली समाजको सिड्नी खुकुरी वरियर्स, ‘ म जे गर्छु भद्रपुरमा गर्छु, भद्रपुरलाई गर्छु ‘ भन्ने सोचका साथ क्रियाशील सामाजिक व्यक्तित्व दीपक पोखरेलको सौर्य पाथीभरा लायन्स र मुस्ताङ मारवाडी च्यालेन्जर छन्। त्यस्तै, पूर्वेली सुपर किंग्स, इटहरी आदर्श जायन्ट्स र कीचकवध किंग्स सहित ६ वटा फ्रेन्चाइज टीमहरु प्रतियोगितामा सहभागी हुने भएका छन्। प्रतियोगिता नेपाल क्रिकेट संघको नियमानुसार हुनेछ ।
