भद्रपुर ८ साउन। साप्ताहिक समाचारदाता। ओलम्पिक 2020 अर्थात् ओलम्पिकको ३२ औं संस्कण आजदेखि जापानको टोकियोमा सुरु हुँदैछ । अघिल्लो वर्ष नै सम्पन्न हुनुपर्ने यो खेलकुद महामेला कोरोना महामारीका कारण १ वर्ष पछि सरेको हो ।कोरोना महामारीका कारण १ वर्ष थप तयारीको समयसहित २ सय ७ देशका ११ हजार ३ सय खेलाडीले अबको दुई साता टोकियोमा प्रतिस्पर्धा गर्नेछन् ।
सन् २०२० को मार्च महिनामै ओलम्पिक १ वर्ष सार्ने निर्णय गरिएको थियो । तर अहिले पनि कोरोना महामारी पूर्ण रुपमा साम्य भइसकेको छैन ।
‘मेरो विचारमा हामी जव रंगशाला प्रवेश गर्छौं, त्यो क्षण हामी सबैका लागि विशेष क्षण हुनेछ ।
महामारीको समय भए पनि उद्घाटन समारोहलाई भव्य बनाउँदै आफ्ना नागरिकको मन जित्ने प्रयासमा आयोजक देश जापान रहेको छ । उद्घाटन समारोहमा भीआईपी पाहुनाहरु १ हजारभन्दा कमको संख्यामा रंगशालामा उपस्थित हुनेछन्।
ओलम्पिकमा नेपालबाट ४ खेलका ५ खेलाडी सहभागी छन् । पौडीकी गौरिका सिंहले दोस्रोपल्ट ओलम्पिक खेल्दैछिन् ।खेलाडी र प्रशिक्षक भन्दा बढि
गौरिकासहित पौडीकै एलेक्स साह, शुटिङकी कल्पना परियार र जुडोकी सोनिया भट्ट जापान पुगिसकेकी छन् भने एथलेटिक्सकी सरस्वती चौधरी आइतबार जापान प्रस्थान गर्नेछिन् । उनको खेल ढिला भएकाले उद्घाटन समारोह गुमाउनेछिन् ।