![](https://saptahiksamachar.com.np/wp-content/uploads/2022/11/Screenshot_20221118_183524-760x1024.jpg)
भद्रपुर / एक वर्षदेखि थुनामा रहेका भारतीय फोटोग्राफर दुर्लभ राय चौधरी झापा कारागारबाट थुनामुक्त भएका छन्। मुद्रा सम्वन्धी कसुरमा झापा कारागारमा रहेका चौधरी एक वर्षको कैद सजाय भुक्तान गरी शुक्रबार रिहा भएका हुन्।
अमेरिकी डलरको कलर फोटो कपि(नक्कली डलर जस्तै लाग्ने) बोकेको कसुरमा चौधरीलाई गत वर्ष मङ्सिर २ गते प्रहरीले पक्राउ गरी झापा जिल्ला अदालतमा पेश गरेको थियो। नेपालमा ट्राभल भ्लग र प्राकृतिक सौन्दर्यको फोटोग्राफी गर्ने सदिच्छा राखेर नेपाल भित्रिएका रायले सुटिङ प्रयोजनका लागि भनेर ल्याएको सो फोटो कपि (डलर बोक्ने)-को स्वीकृति /अनुमति नलिएको कारण प्रहरीले पक्राउ गरेको थियो। पक्राउ पछि अदालतमा पेश हुँदा खोटा मुद्रा अपचलनको आरोपमा उनलाई पुर्पक्षका लागि थुनामा राखिएको थियो।
थुनामा राखेको ८ महिना पछि झापा जिल्ला अदालतका न्यायाधीश गिरिराज गौतमको इजलासले खोटो मुद्रा बोकेको कसुरमा उनलाई एक वर्ष कैद र १५ हजार रूपैयाँ जरिमाना तिराउने फैसला गरेको थियो।
फैसला बमोजिम जेल सजाय भुक्तान गरी शुक्रबार जेल मुक्त भएका राय चौधरीले खराब मनसायबाट आफू नेपाल नआएको र आफूले बोकेको डलर फोटो कपि मात्रै भएको जान्दा जान्दै पनि अनाहकमा जेल जीवन भोग्न बाध्य भएको दुखेसो पोख्दै जेल मुक्त भए लगत्तै पशुपति नाथको दर्शन गर्ने इच्छा प्रकट गरेका छन्।
I don’t think the title of your article matches the content lol. Just kidding, mainly because I had some doubts after reading the article.