सहाराको उद्यम विकास प्रवर्द्धन कार्यक्रम भद्रपुरमा

भद्रपुर १९, चैत्र / सहारा नेपाल बचत तथा ऋण सहकारी संस्था चन्द्रगढीले उद्यम विकास प्रवर्द्धन सम्वन्धी एकदिने अभिमुखीकरण कार्यक्रम सम्पन्न गरेको छ।

व्यवसाय गर्न चाहने सहाराका सदस्यहरूलाई आज सेवा केन्द्रमै आयोजित एक कार्यक्रममा अभिमुखीकरण गरिएको हो । अभिमुखीकरणमा सहारा साकोस अन्तरगतका विभिन्न लघुवित्त समूहका २५ बढी महिला सदस्यको सहभागिता थियो ।

  सहारा साकोस चन्द्रगढी सेवा केन्द्रका उपसमिति संयोजक गोपाल गिरीको अध्यक्षतामा भएको कार्यक्रममा मूल कार्यालय चारपानेका कार्यक्रम संयोजक नवीन लामिछानेले सहजीकरण गर्नुभएको थियो । सहजकर्ता लामिछानेले व्यवसाय प्रवर्द्धनका विविध पक्षमा सहभागीसँग अन्तरक्रियात्मक प्रशिक्षण प्रदान गर्नुभएको थियो ।

इकाई समिति सदस्य लक्ष्मीप्रसाद दंगालले सञ्चालन गरेको कार्यक्रममा सेवा केन्द्र प्रमुख सुदीप खड्‌काले सहारा साकोसको कार्यक्रम र सेवा परियोजनाका वारेमा प्रकाश पार्नुभएको थियो भने निर्मला पौडेलले स्वागत मन्तव्य राख्नु भएको थियो।